8:246  et  au  lieu  de  se  debvoir  contenter  des  raisonnables  remonstrances  a  luy  faictes  par  les  sainctes  escriptures  dict  quil  voloit  impugner  la  doctrine  quest  icy  en  ceste  cite  preschee  et  anuncee  et  arrogantement  exhorta  le  peuple  a  se  garder  de  ladite  doctrine  et  appella  icelle  doctrine  scandaleuse.  Item  et  lequel  scandaleusement  myst  en  avant  opinion  faulse  et  erronee  de  laquelle  il  est  este  convaincuz  par  devant  noz  dits  Seigneurs  dheuement  par  tesmoignages  de  la  saincte  escripture.  Item  et  combien  que  il  se  soit  submys  au  iugement  des  eglises  voysines  et  que  par  leur  veritable  et  par  les  sainctes  escriptures  faict  advys  luy  soit  este  remonstre  ses  propositions  estre  faulses  et  icelles  condampnables  il  a  persiste  en  son  obstination  et  encores  que  souventeffoys  il  se  soit  en  ses  responces  contredict  iamais  na  volu  recognoistre  ny  confesser  sa  faulte  et  erreur.  Item  et  combien  quil  soit  este  treshumainement  traicte  aux  prisons  avec  doulces  remonstrances  et  gracieuses  deffences  de  ne  publier  sa  faulse  opinion  ny  par  bouche  ny  par  escript  ce  neantmoings  pour  cela  il  na  cesse  et  contre  tout  ordre  et  modestie  chrestienne  il  sest  ingere  avec  temerite  et  audace  de  faire  troble  et  scandale  en  leglise  avancant  propos  keditieuix  et  ce  tant  de  bouche  que  par  escripture  de  balades  et  chansons.  Item  et  ce  en  tachant  et  persistant  de  attraire  a  sa  faulse  opinion  plusieurs  gens  au  gros  scandale  de  leglise.  Item  et  lequel  a  charge  les  ministres  de  leglise  de  ceste  cite  tant  de  bouche  que  par  escript  de  faulse  calumnie  et  a  tasche  de  diffamer  la  doctrine  de  Dieu  et  la  rendre  odieuse  contre  toute  raison  de  verite.  Item  et  temerairement  et  magistralement  sest  ingere  darticuller  contre  la  doctrine  desdits  ministres  choses  calumnieuses  et  destructives  de  la  saincte  religion  chrestienne.  Item  et  combien  quil  aye  accepte  et  dict  se  voloir  tenir  a  ce  que  ia  il  avoit  veu  que  les  ministres  des  eglises  voysines  par  leur  advys  de  la  saincte  escripture  pris  en  disoient  ne  sest  pas  voulu  detorner  de  sa  dicte  faulse  opinion  laquelle  iceulx  iustement  condampnent  mais  obstinement  a  dict  voloir  demourer  en  icelle  son  opinion.  16*