7:246  a  este  forgee  du  diable.  Il  allegue  que  nous  devons  estre  nuict  et  iour  occupez  en  la  meditation  de  la  loy  de  Dieu:  et  pourtant  qu'il  ne  nous  peut  rester  ne  temps  ne  loisir  de  vaquer  a  congnoistre  les  herbes,  pour  ce  que  ce  sont  speculations  de  gens  oisifz.  Un  tel  phantastique  seroit  digne  d'estre  enclos  en  une  chambre  avec  la  bible,  sans  nourriture  ne  vestemens  pour  voir  comment  il  s*appliqueroit  nuict  et  iour  a  la  lecture  de  la  parolle  de  Dieu,  sans  penser  ailleurs.  Il  dira  qu'il  nous  est  permis  de  manger.  Ie  replicque  que  non  seroit  pas  *)  si  on  adioustoit  foy  a  sa  follie.  Car  quelle  distraction  est-ce  de  cultiver  les  terres,  de  semer,  de  moissonner,  de  battre  le  bled,  de  le  moudre  de  le  [page  238]  paistrir,  de  le  cuire?  Combien  faut  il  employer  de  temps  a  apprendre  les  mestiers  qui  sont  pour  la  necessite  de  la  vie  presente,  et  combien  plus  en  faut  il  encor  a  les  exercer?  Cependant  neantmoins  ie  n'entens  pas  de  deroguer  a  ceste  meditation  de  la  parolle  de  Dieu,  qui  nous  est  tant  recommandee:  mais  ie  monstre  que  telz  resveurs  n'ont  iamais  entendu  que  ce  commandement  vouloit  dire.  Car  nostre  seigneur  ne  nous  defend  pas  les  occupations,  lesquelles  sont  requises  pour  l'entretenement  de  ceste  vie  terrienne:  moyennant  que  nous  aspirions  tousiours  plus  haut,  et  que  de  l'accessoire  nous  n'en  facions  point  le  principal.  Pour  monstrer  que  nous  ne  tenterions  pas  Dieu,  mesprisant  la  medecine:  il  dit  que  c'est  une  parolle  diabolique,  ruinant  toute  Chrestiente.  Voire,  mais  la  raison?  Pource  que  celuy  qui  met  toute  sa  fiance  en  Dieu,  ne  le  tente  point.  Ie  le  confesse.  Mais  ie  dis  que  celuy  qui  ne  tient  conte  des  moyens  que  Dieu  a  ordonnez,  ne  se  fie  pas  en  luy:  mais  est  enfle  [page  239]  d'une  faulse  presumption  et  temerite.  Voila  les  beaux  argumens,  pour  condamner  les  bonnes  creatures  de  Dieu,  au  deshonneur  de  celuy  qui  les  a  destinees  a.  nostre  usage,  a  fin  que  nous  les  recevions  avec  louange  et  action  de  graces.  Ie  laisse  a  parler  de  beaucoup  de  folles  sentences  et  absurdes,  esparses  en  ce  mesme  livre.  Comme  quand  il  dict,  que  nostre  seigneur  Iesus  est  le  seul  homme,  auquel  nous  sommes  tous:  et  puis  qu'il  est  le  dernier,  qu'il  n'y  a  plus  d'homme  que  luy.  Qui  approche  du  blaspheme  des  Libertins,  que  nous  avons  deduict  cy  dessus.  Item  qu'il  n'est  demeure  que  l'ame  vivante  a  l'homme  apres  le  peche.  Comme  si  ce  n'estoit  point  ceste  mesme  ame  qu'il  avoit  douee  des  graces  de  Dieu  au  paravant,  et  qui  est  reparee  maintenant  par  Iesus  Christ.  Item,  que  c'est  un  grand  blaspheme  contre  la  bonte  de  Dieu,  d'aimer  plus  noz  parens  que  les  1)  nullo  modo  licere.  16*