6:246  Quoniam  autem  Dei  et  hominis  cognitio  mutuo  inter  se  nexu  colligatae  sunt  et  implicitae,  merito  Pighius  suam  de  libero  arbitrio  disputationem  inde  incipit.  Dicet  quispiam,  me  hunc  ordinem  laudare,  quia  meus  sit.  At  ego  excipiam  illo  me  usum  esse,  quia  optimus,  et  ad  docendum  aptissimus  videretur.  Placet  ergo,  quod  adversarius  meus  sequatur  id,  quod  ego  optimum  iudicavi.  Quanquam  miror,  qua  fronte  ausus  fuerit,  nulla  mei  mentione  facta,  tam  familiariter  sumere  de  meo  libro,  quod  in  suum  transscriberet.  Neque  enim  quo  iure  id  faciat,  video:  nisi  forte  praescriptionem  obtendat,  quia  sic  facere  pridem  solitus  sit.  Nam  in  magno  illo  libro,  quem  adversus  nostram  confessionem  edidit,  integras  saepe  ex  Institutione  mea  paginas,  ubi  visum  est,  infulcit,1)  ac  suo  commodo  sic  adaptat,  quasi  aliunde  non  sumpsisset.  Velim  nunc  scire  quo  iure  aut  titulo  mea  sic  pro  suis  usurpet.  Si  qua  magna  esset  inter  nos  necessitudo,  ego  hanc  confidentiam  amicitiae  non  difficulter  concederem.  Sed  nunc  huic  veniae  non  est  locus.  An  quia  hostis  sum,  se  ius  direptionis  in  omnia  [pag.  19]  mea  habere  putat?  At  hoc  praedae  genus  nullo  nec  iure  nec  more  defendi  potest.  Unus  ergo  praetextus  restat,  homini  docto  potuisse  non  minus  venire  in  mentem  quae  dixeram,  quam  mihi  prius  venerant.  Sed  lectores  obsecro,  si  tantum  habeant  otii,  ut  caput  primum  libri  Pighiani  cum  primo  Institutionis  meae  capite  conferant.  Nihil  dico:  nisi  quod  sine  risu  ac  stomacho  perspicient  nimis  perditam  hominis  impudentiam.  Quod  si  ulterius  pergere  libeat,  percurrant  quae  de  iustificatione  tractat  in  altero  illo  opere,  et  ad  sextum2)  Institutionis  meae  caput  exigant:  mirum  si  bilem  continere  queant.  Neque  enim  clanculum  furatur  aut  carptim:  neque  artificio  tegere  ita  studet  suas  rapinas,  ut  apud  se  natum  videatur,  quod  apud  me  legit,  sed  ita  palam  mea  ad  verbum  recitat,  ut  videatur  paginas  ipsas  totas  pigritia  assuisse,  quo  describendi  laborem  fugeret.  Si  fateretur  autorem,  eum  dicerem  mutuari:  nunc  quid  causari  potest,  quominus  plagiarius  palam  vocetur?  Mirabitur  quicunque  leget,  unde  tantus  homini  stupor:  qui  nihil  veritus  sit,  in  ipso  statim  vestigio  deprehendi.  Ego  vero  dum  omnia  bene  reputo,  habeo  quod  pro  hominis  excusatione  dicam:  eum  securitate  magis  quam  socordia  id  fecisse.  Satis  enim  habuit,  si  modo  iis  placeret,  qui  non  minori  religione  a  nostris  abstinent,  quam  facilitate  1)  Sic  scripsit  autor  et  habent  princeps  ei  Gallasius.  Etiam  Galli  versio:  il  y  fourre,  huc  pertinet.  Beza  cur:  infercit  scripserit,  quod  edd.  posteriores  servarunt,  non  videmus.  2)  Spectat  hoc  ad  edit.  Institutionis  anni  1539.  Est  quod  mireris  numerum  in  posterioribus  editionibus  non  mutatum  fuisse,  vel  certe  nota  aliqua  marginali  declaratum.  Fuit  caput  illud  decimum  ed.  1543  et  sequentium,  et  in  recensione  novissima  Lib.  UL  Cap.  XI.  seqq.  16*