51:246  nous  desvoyer  du  tout  de  la  doctrine  de  Iesus  Christ,  il  tasche  de  nous  en  desgouster  en  quelque  facon,  en  la  desguisant,  et  de  nous  entortiller  en  des  curiosites  nouvelles,  pour  faitre  tant  que  nous  ne  soyons  pas  pleinement  constans  en  la  foy  que  nous  avons  receue,  mais  que  nous  soyons  en  branle.  Et  puis,  quand  nous  avons  nos  appetis  fretillans,  il  est  certain  que  d'un  coste  l'ouverture  est  faite  pour  effacer  la  memoire  de  tout  ce  que  nous  avions  apprins  auparavant,  et  recevoir  beaucoup  de  folies,  et  mesmes  des  doctrines  erronees,  qui  sont  pour  corrompre  et  pervertir  toute  la  purete  de  nostre  foy.  Nous  voyons  donc  comme  auiourd'huy  la  doctrine  qui  est  contenue  en  ceste  Epistre,  s'adresse  a  nous,  et  qu'elie  nous  est  dediee,  et  que  Dieu  par  son  conseil  admirable  a  pourveu  a  ce  que  non  seulement  nous  avons  eu  les  fondemens  de  l'Evangile  pour  y  estre  appuyez,  mais  que  de  iour  en  iour  nostre  foy  croisse,  et  qu'elle  s'augmente,  et  que  nous  soyons  avancez  iusques  a  ce  que  nous  soyons  venus  a  nostre  perfection.  Or  en  premier  lieu,  sainct  Paul  s'attribue  l'authorite  qui  luy  estoit  donnee  de  Dieu,  a  fin  qu'on  ne  s'amuse  point  a  sa  personne,  comme  si  un  homme  mortel  avoit  parle.  Car  de  faict,  nostre  Seigneur  Iesus  Christ  est  le  seul  Maistre  duquel  il  nous  faut  apprendre:  car  le  tesmoignage  luy  est  donne  du  ciel  (et  non  a  autre)  que  c'est  luy  qu'il  nous  faut  escouter.  Comme  aussi  de  tout  temps  Dieu  a  voulu  avoir  la  conduite  de  son  Eglise,  et  que  sa  parole  fust  receue  sans  contredit:  mais  ii  n'a  point  donne  ce  priviiege-la  a  aucune  creature.  Or  quand  Iesus  Christ  a  este  establi  au  lieu  de  Dieu  son  Pere,  c'est  d'autant  qu'il  est  Dieu  manifeste  en  chair,  et  qu'il  est  la  verite  infaillible,  et  sa  sagesse  qui  a  este  de  tout  temps.  Au  reste,  si  les  hommes  parlent,  il  faut  que  ce  ne  soit  pas  en  leur  nom  prive,  et  que  ils  n'apportent  aussi  rien  de  leur  fantasie  ou  cerveau,  mais  qu'ils  proposent  fidelement  ce  que  Dieu  leur  a  enioint,  et  ce  qu'il  leur  a  donne  en  charge.  Voila  donc  pourquoy  sainct  Paul  use  de  ceste  preface  (comme  partout)  qu'il  est  Apostre  de  nostre  Seigneur  Iesus  Christ.  Il  tient  16*