5:246  Ac  quoniam  quidquid  de  hac  re  scripturis  traditum  est,  eorum  praesertim  causa  praeceptum  fuisse  videtur,  qui  inter  gentes  Dei  ignorantes  versarentur,  plurimum  autem  inter  illarum  idololatriam,  et  eorum,  quibuscum  hodie  nobis  negotium  est  superstitionem  interesse  vulgo  existimant,  (quod  haec  Dei  et  Christi  nomine  quodammodo  obtecta  fucum  facit:  illa  paulo  crassiore  ignorantia  summi  Dei  cultum  palam  aspernabatur)  nos,  illa  prius  proponemus,  quae  in  scripturis  exstant  praecepta:  deinde  oculos  ad  nostra  tempora  referemus,  et  ex  rerum  similitudine,  quid  ad  nos  pertineant,  dispiciemus.  Quanquam  non  video  cur  aeterna  Dei  mandata  ita  unius  saeculi  spatio  terminemus  :  sed  hunc  ordinem  imperitis,  ne  quis  in  eorum  animis  scrupulus  resideat,  concedemus.  Quum  lege  sua  Dominus  idola  coli  aut  adorari  vetuit  (Exod.  20,  4),  hoc  capite  totum  illum  externum  cultum  complexus  est,  quem  deferre  suis  idolis  impii  solent.  Nam  et  verbis,  quibus  usus  est,  ea  inest  proprietas:  quorum  alterum  incurvari,  alterum  honorare  significat  :  et  eam  adorationis  speciem  notatam  esse  constat,  qua  lignea  lapideave  simulacra  corporis  gestu  coluntur.  Haec  itaque  interdictio  est,  non  qua  simpliciter  populum  suum  Dominus  prohibeat  in  ligno  aut  lapide,  gentium  instar,  obstupescere,  sed  ullo  modo  profanam  earum  stoliditatem  imitari,  coram  simulacris  sese  honoris  causa  prosternendo,  aut  aliam  quamvis  observantiae  significationem  dando,  qualem  dare,  aut  nudato  capite,  aut  genu  flexo  nobis  in  more  est.  Qua  ratione  ubi  puros  sui  cultores  describit,  ab  hac  eos  nota  designat:  Servabo,1)  inquit  (1  Reg.  19,  18),  mihi  septem  millia  virorum.  Quid  ?  an  quorum  corda  non  sunt  vanitate  ac  mendaciis  Baal  infatuata?  non  id  modo:  sed  quorum  genua  non  sunt  curvata  ante  Baal,  et  quorum  ora  non  sunt  osculata  manum  eius.  Eodemque  alibi  symbolo,  quum  agnoscendam  omnibus  et  coelestibus  et  terrestribus,  et  infernis,  suam  maiestatem  affirmat,  agnitionem  ipsam  exprimit:  Mihi  inquit  (Ies.  45,  23),  curvabitur  omne  genu,  et  omnis  lingua  in  nomine  meo  iurabit.  Quo  contra  efficitur,  simulacrum  ab  iis  Dei  religione  consecrari,  qui  ullo  corporis  gestu  eius  cultum  significant.  Neque  ad  eorum  convincendam  praevaricationem  [pag.  l  l  ]  interest^  qua  id  vel2)  simulatione,  vel  sinceritate  faciant.  Idolum  enim  quicunque  est  aliqua  venerationis  specie  prosequutus,  utcunque  sit  animo  persuasus,  Deum  esse  confessus  est.  Divinitatis  vero  nomen  idolo  qui  tribuit,  Deo  sustulit.  Itaque  tres  illi  Danielis  comites,  quanti  eiusmodi  foret  simulatio,  docuerunt  (Dan.  3,  16):  quibus  corpus  accensi  fornax  cis  flammis  crudeliter  absorbendum  tradere,  levius  1)  Sic  edd.  latinae  omnes.  Versio  gallica  bene  archetypum  vertit:  ie  me  suis  reserve.  2)  vel,  omittunt  omnes  praeter  Ed.  principem.  16*