29:246  Petrus  Act.  3,  quo  loco  ostendit  Dominum  nostrum  Iesum  Christum  sine  contradictione  recipiendum,  vel  ipsius  Mosis  testimonio  irrefragabili,  a  quo  ad  illum  remittimur  his  verbis:  Prophetam  suscitabit  vobis  Dominus  Deus  vester  ex  fratribus  vestris,  sicut  me:  audietis  eum  in  omnibus  quae  loquutus  fuerit  vobis:  ac  docuit  nunquam  spe  sua  excisuros  qui  fiduciam  in  illo  collocarint,  (ex  quibus  apparet  Deud!  patribus  semper  adfuisse,  et  salutis  viam  commonstrasse)  ac  Mosen  Christi  Domini  praeconem  fuisse,  subiungit  omnes  prophetas  a  Samuele  hanc  salutem  suo  tempore  mittendam  declarasse.  Petrus  itaque  docet  Deum  veluti  faciem  suam  ad  tempus  subduxisse,  quum  nullo  dato  gubernatore,  populus  sine  legitima  politiae  administratione  iactatus  est,  ac  proinde  religionem,  prunarum  instar  cineribus  obrutarum,  quarum  propterea  splendor  non  apparet,  obscuratam  et  veluti  suffocatam  fuisse:  sed  Deum  suscitato  Samuele  non  tantum  iacentem  antea  populi  statum  erexisse,  verum  etiam  religionem  pristinae  dignitati  restituisse:  ac  Samuele  ad  tantam  rem  perficiendam  fidelissimo  dignissimoque  administro  et  instrumento  esse  usum,  ac  scholas  prophetarum  institutas,  sicut  deinceps  favente  Deo  visuri  sumus.  Hanc  etiam  ob  causam  hic  liber  Samuelis  prae  se  fert  titulum,  minime  quidem  tanquam  editus  a  Samuele  sit,  sed  quod  in  Samuele  visibile  testimonium  favoris  sui  Dominus  in  populo  restaurando  produxerit.  Quis  enim  non  merito  dixerit  ante  suscitatum  Samuelem  tanta  corruptione  foedatam  gentem  illam,  ut  Deus  ex  Israele  pulsus  videretur,  quousque  vel  una  domus  a  depravatis  illius  saeculi  moribus  recederet.  Ita  Dei  nomen  coeptum  est  Samuelis  temporibus  invocari,  quum  antea,  sicuti  diximus,  terra  sine  rege  esset,  ac  se  proinde  quisque  pro  sua  libidine  gereret,  nullis  poenis  coercerentur  reprobi,  nulla  denique  sacerdotum  esset  autoritas.  Quin  ipse  Phinees,  vir  quantus!  ut  angelo  similior  quam  homini  videatur,  nonne  adeo  tamen  contemtus  fuit  ab  ingrato  populo  ac  reprobo,  ut  a  sua  protervia  et  adversus  Deum  contumacia  revocari  nullis  habenis  potuerit,  quin  Dei  legem  summa  cum  rebellione  et  confusione  veluti  pedibus  conculcatam  violarit?  Iam  vero  Dei  cultus  instaurari,  non  tamen  sine  maximis  difficultatibus,  incipit.  Vix  enim  affulsit  Dei  favor  erga  populum,  vix  explicare  coepit  suam  beneficentiam,  quum  ecce  populus  novis  turbis,  Arca  Dei  capta,  ac  populo  ab  hostibus  fuso  afflictatur,  ut  suo  loco  deinceps  videbitur.  Itaque  scire  sufficiat  hactenus  hanc  historiam  Samuelis  nomine  insigniri,  quod  Deus  populo  conciliatus  patris  ac  pastoris  officium  facere  tunc  excitato  Samuele  coepit.  Accedamus  ad  Elcanam:  ubi  observandum  nullas  hic  eius  virtutes,  quum  duas  uxores  habere  dicitur,  praedicari,  sed  vitium  tunc  satis  vulgare,  16*