10.1:246  tueux  et  les  conviements  ambitieux  des  riches  il  commande  plustost  dappeller  les  aveugles  les  boyteux  et  aultres  pauvres  des  rues  quilz  1)  ne  peuvent  rendre  la  pareille,  aussi  en  ce  lieu  voulant  corriger  la  coutume  vitieuse  du  monde  de  prester  argent  nous  commande  de  prester  principallement  a  ceux  desquelz  il  ny  a  point  d'espoir  de  recouvrer.  Or  nous  avons  de  coustume  de  regarder  premierement  la  ou  largent  se  peut  mettre  seurement  Mais  plustost  il  falloit  ayder  les  pauvres  vers  lesquelz  largent  est  en  dangier.  Par  ainsi  les  parolles  de  Christ  vallent  autant  a  dire  comme  sil  commendoit  de  survenir  aux  pauvres  plustost  quaux  riches.  Nous  ne  voyons  donc  pas  encore  que  toute  usure  soit  deffendue.  La  loy  de  Moyse  (Deut.  23,  19)  est  politique  laquelle  ne  nous  astraint  point  plus  oultre  que  porte  equite  et  la  raison  dhumanite.  Certes  il  seroit  bien  a  desirer  que  les  usures  feussent  chassees  de  tout  le  monde  mesmes  que  le  nom  en  feust  incogneu.  Mais  pource  que  cela  est  impossible  il  fault  ceder  a  lutilite  commune.  Nous  avons  des  passages  es  Prophetes  et  es  Pseaulmes  esquelz  le  sainct  Esprit  se  courrouce  contre  les  usures:  Voila  une  louange  d'une  ville  meschante  que  es  places  dicelle  on  y  treuve  l'usure  (Ps.  55,  12).  Mais  le  mot  Hebraique  tost2)  veu  que  generallement  il  signifie  fraude  il  se  peust  aultrement  exposer.  Mais  prenons  le  cas  que  le  Prophete  parle  la  proprement  des  usures,  ce  nest  de  merveille  si  es  maulx  principaulx  il  met  que  l'usure  a  son  cours.  La  raison  est  que  le  plus  souvent  avec  le  conge  illicite  de  commettre  usure  cruaulte  est  conioincte  et  beaucoup  de  meschantes  tromperies.  Que  dy  ie,  mais  usure  a  quasi  tousiours  ces  deux  compaignes  inseparables,  ascavoir  cruaulte  tyrannique  et  lart  de  tromper  dont  il  avient  que  ailleurs  le  sainct  Esprit  met  entre  les  louanges  de  lhomme  sainct  et  craignant  Dieu  de  s'estre  abstenu  1)  lisez:  qui.  2)  sic!  fcjn)  16*