9:245  245  AD  WESTPHALUM.  246  Suis  calumniis  si  me  implicent,  satis,  opinor,  convicta  est  eorum  improbitas.  Quo  minus  ferendum  est  versutiam  eos  nobis  obiicere,  qua  sola  plausibilem  [pag.  308]  suam  causam  facere  conantur:  nisi  quod  crassior  est  eorum  impudentia,  quam  ut  posthac  quemquam  sanae  mentis  decipiat.  Nunc  quibus  verbis  me  oppugnent  videndum.  Blasphema,  inquiunt,  derisio  est,  dicere  corpus  Christi  vorari,  coelo  elici,  pani  affigi.  Si  de  Christi  institutione  sermo  esset,  impia,  fateor,  subsannatio  esset  in  his  verbis:  sed  in  notandis  crassis  erroribus  quid  reperietur  blasphemiae?  Carnali  ore  comedi  volunt,  et  dentibus  atteri  Christi  carnem.  Idem  corpus  et  immensum  esse,  et  invisibile  sub  pane  latere  innumeris  simul  locis  contendunt:  panem  vere  et  proprie  corpus  esse  volunt.  Tam  prodigiosos  errores  sine  blasphemia  attingere  fas  non  erit?  Quare  non  est  quod  nos  impudentiae  insimulent,  si  sacram  Christi  institutionem  ab  insulsis  absurdisque  corum  figmentis  nota  aliqua  discernimus.  Nam  de  ipso  mysterio  qui  tam  reverenter  loquantur,  in  tota  sua  factione  non  reperient.  Sed  [pag.  309]  unde  nos  probant  blasphemos  esse?  Quia  Paulus  vocat  templa  Dei,  et  inhabitare  Christum  docet  in  piorum  cordibus  per  fidem  (2  Cor.  6,  16).  Ac  si  ubi  Deus  pater  et  Christus  nos  sibi  in  domicilia  elegit,  modus  habitationis  non  spiritualis  foret:  de  quo  si  ambigitur,  sit  ipse  Paulus  dicti  sui  interpres.  Vos,  inquit,  templa  Dei  estis,  quia  spiritus  eius  habitat  in  vobis  (1  Cor.  3,  16).  Tertius  locus  ostendit  qualis  apud  eos  vigeat  in  scripturis  citandis  religio.  Mysterium  Paulus  a  saeculis  reconditum  vocat,  quod  Christus  sit  Colossensibus1)  spes  gloriae  (Col.  1,  26  seq.).  Ac  si  substantiam  carnis  Christi  in  nobis  includeret.  Nec  vero  vel  imaginatione,  vel  generali  potentia  tantum  ideo  in  nobis  Christus  inhabitat,  quia  substantiam  carnis  eius  ore  non  comedimus.  Nam  illa  peculiaris  ratio  satis  superque  non  modo  a  brutis  pecudibus  (quas  pro  solito  suo  candore  nobis  obiiciunt  Cyclopes  isti)  sed  ab  omnibus  profanis  discernit,  dum  nos  Deus  sibi  in  templa  sanctificat  [pag.  310],  et  Christus  in  corporis  sui  unitatem  inserit,  ut  secum  nobis  sit  communis  vita.  Conviciis  si  libeat  certare,  non  deessent  forte  verba,  sed  repugnat  natura,  et  animus  penitus  abhorret.  Et  longe  malim  elinguis  esse,  quam  eorum  maledicentiam  aemulari.  Se  pudicas  et  incorruptas  virgines  faciunt,  nos  scortis  similes  quae  scabiem  suam  praedicant:  indignos  esse  clamitant,  quos  terra  sustineat:  quod  nisi  repente  exterminemur  e  mundo,  non  posse  nobiscum  mitius  agi,  quam  ut  ad  Scythas  vel  Indos  ablegemur.  Accusant  principum  segnitiem,  quod  non  exserto  gladio  protinus  deleant  nostri  1)  aux  Corinthiens.