8:245  245  PROCES  DE  BOLSEC.  246  LXI  Deliberation  et  Jugement.  (Registre  des  proces-verhaux  du  Conseil  Vol.  46  Fol.  121.  Seance  du  22  JDecembre.)  Me.  lh.  Bolhet.  Ayantz  veu  le  proceps  responses  et  confession  dudict  detenu  a  cause  des  scandalles  et  parolles  scandaleuses  aussi  quil  az  mesdict  et  parle  en  la  congregation  et  ailleurs  des  ministres  de  ceste  cite  et  a  vollu  soubtenir  quilz  preschoyent  faulse  doctrine  tant  par  escript  que  aultrement  Surquoy  estant  ouy  ledict  detenuz  et  lesdictz  ministres  lung  devant  laultre  et  pareillement  avoir  veu  ladvis  des  esglisses  de  Berne  Basle  et  Zurich,  lesqueulx  le  condampnent  et  son  oppinion  requerant  aussi  avoir  advis  sur  ledictz  different  acause  du  trouble  que  porroit  estre  faict  en  leglisse  de  nostre  seigneur  et  le  tout  considere  a  este  ordonne  que  attendu  que  ledict  Iherome  detenuz  ne  se  veult  desdire  et  quil  persiste  en  sa  dicte  maulvaise  oppinion:  Quil  soit  bampnis  perpetuellementz  publicquementz  a  son  de  trompe  a  la  mode  accoustumee  sur  poyenne  du  foyet  et  debvoir  estre  condampne  aux  despens  de  ladicte  prison.  Le  traictant  gracieusement  en  cest  endroytz  attendu  la  requeste  des  seigneurs  de  Berne  nos  combourgeois  et  aussi  a  sa  longue  detancion.  Et  que  demain  ladicte  sentence  soyt  proferee  et  prononcee  devant  la  maison  de  la  ville  publicquement  comme  dessus.  LXII.  Sommaire  dii  proces.  (Archives  de  Geneve.  Proces  de  Bolsec.  Pieces  delachees  N.  5.  C'est  la  recapitulation  des  charges  resultant  de  VensemUe  de  la  procedure  et  sur  lesquelles  devait  se  baser  la  sentence.)  Prys  detenu  attainct  et  convaincu  pour  se  estre  presumptueusement  temerairement  et  contre  tout  ordre  leve  en  la  saincte  congregation  accoustumee  de  faire  en  ceste  cite  tous  les  vendredy  matin  par  les  ministres  dycelle  et  la  impudicquement  et  effrenement  avoir  contredict  aux  sainctes  propositions  la  par  aulcungs  desdits  ministres  mises  en  avant