52:245  245  ARGUMENTUM.  Hanc  epistolam  aliorum  magis  quam  Timothei  eausa  scriptam  fuisse  iudico:  et  mihi  assentientur  qui  diligenter  omnia  expenderint.  Non  equidem  nego  quin  eius  quoque  docendi  et  monendi  rationem  Paulus  habuerit:  sed  multa  hic  contineri  dico  quae  supervacuum  fuisset  scribere,  si  cum  solo  Timotheo  habuisset  negotium.  Iuvenis  erat,  nondum  ea  autoritate  instructus  quae  sufficeret  ad  cohibendos  homines  protervos  qui  contra  insurgerent.  Apparet  autem  ex  Pauli  verbis,  fuisse  tunc  nonnullos  qui  quum  ostentatione  pollerent,  non  libenter  cuivis  ��rant  cessuri  :  qui  tanta  deinde  ambitione  flagrabant,  ut  nullum  turbandae  ecclesiae  finem  facturi  essent,  nisi  quispiam-maior  Timotheo  se  interponeret.  Apparet  similiter,  multa  Ephesi  fuisse  constituenda  quae  Pauli  calculum  et  nomen  desiderarent.  Ergo  quum  Timotheum  multis  de  rebus  monere  haberet  in  animo,  sub  eius  quoque  nomine  alios  eadem  opera  monere  voluit.  Ac  primo  quidem  capite  adversus  quosdam  ambitiosos  armat,  qui  vanis  quaestionibus  agitandis  se  venditabant.  Eos  porro  Iudaeos  fuisse  colligi  potest,  qui,  quum  legiszelum  simularent,  neglecta  aedificatione,  tantum  curiosas  disputationes  ingerebant.  Haec  autem  profanatio  est  legis  Dei  minime  ferenda,  ex  ea  nihil  excerpere  quod  prosit:  sed  tantum  garriendi  materiam  captare,  eiusque  praetextu  ad  onerandam  frivolis  nugis  ecclesiam  abuti.  Cuiusmodi  sciiet  corruptela  pluribus  quam  oportuit  saeculis  regnavit  in  papatu.  Quid  enim  aliud  fuit  scholastica  theologia,  quam  immensum  inanium  et  nihili  speculationum  chaos?  et  hodie  exstant  plerique,  qui,  ut  acumen  suum  ostentent,  in  >  tractando  Dei  verbo  non  secus  ac  in  profana  philosophia  ludere  sibi  permittunt.  In  eiusmodi  vitio  f  coarguendo  autorem  se  Timotheo  profitetur  Paulus:  et  quid  ex  lege  praecipue  discendum  sit,  admonet:  ut  appareat  legis  esse  corruptores  qui  ea  secus  utuntur.  Porro  ne  contemptui  sit  sua  autoritas,  postquam  indignitatem  suam  confessus  est,  simul  qualis  esse  coeperit  per  Dei  gratiam,  honorifice