5:245  DE  FUGIENDIS  IMPIORUM  SACRIS.  ribus  disseramus.  At  vero  illam,  quam  ad  certos  homines  peculiariter  reiecimus,  publicae  professions  functionem  omittemus  in  praesens:  de  qua  erit  forte  alias  opportunior  dicendi  locus:  tantum  quod  peraeque  ad  unumquemque  e  populo  pertineat,  inquiremus,  qualem  scilicet  confessionem  exigat  a  suis  Dominus,  qui  inter  impios  sparsi  palatique  degant1)  eo  in  loco,  unde  verae  religionis  disciplina  exsulet:  tum  qualibus  in  externa  vitae  actione  notis  eos  ab  idololatrarum  turba,  cui  permixti  sunt,  differre  velit.  Neque  rursum  animus  est  certo  definire,  quando,  et  apud  quos,  et  quo  loco,  et  quam  apertum  fidei  suae  testimonium  sit  editurus  homo  christianus:  nec  limitare,  quatenus  progredi  debeat,  vel  ubi  consistere  possit  citra  offensam,  quoties  propagandae  Dei  gloriae  oblata  occasio,  aut  spes  quoquo  modo  proficiendi  facta  fuerit.  Quae  disputatio,  praeter  id  quod  prope  immensa  foret,  etiam  ab  hoc  docendi  genere  nonnihil  est  aliena:  quod  certis  regulis  includi  comprehendique  nequeat.  Neque  enim  illi,  quam  a  nobis  requirit  Petrus  (1  Petr.  3,  15),  promptitudini  fines  praescribere  facile  est,  quum  vult  nos  paratos  esse  ad  respondendum  cuilibet  poscenti,  ut  loquamur  de  ea  quae  in  nobis  est,  spe:  nec  item  ingenti  illi  celebrandae  jaominis  Dei,  regnique  eius  magnificentiae  studio,  quo  exsultantem  aestuantemque  Dei  populum  inducunt  prophetae,  quum  ita  loquentem  faciunt  (Ies.  2,  3;  Mich.  4,  2):  Venite,  ascendamus  in  montem  Domini,  ad  domum  Dei  Iacob:  et  docebit  nos  de  viis  suis,  et  ambulabimus  in  semitis  eius.  Quibus  verbis  (ut  videmus)  inest  paene  clamosa  ad  appetendam  Dei  cognitionem  cohortatio.  Iam  vero  tot  Pauli  de  sectanda  aedificatione  praecepta  quam  late  pateant,  quis  non  videt?  ut  nullam  certiorem  legem  exspectare  debeant,  qui  vera  erga  Deum  suum  pietate  sunt  affecti,  quam  ut  sanctam  eius  maiestatem  (cui  totos  esse  consecratos  ac  devotos  ipsos  decet)  quacunque  licebit  commoda  ratione  illustrent:  non  alium  sibi  finem  modumve  eius  illustrandae  praestituant,  quam  ut  omnibus  occasionum  articulis  immineant,  omniaque  (ut  ita  dicam)  continenter  captent  momenta,  quamdiu  aliquid  se  posse  efficere  confident.  Alius  quidem  alio  et  praestantius,  et  fortius,  et  constantius:  omnes  tamen  huc  singuli,  secundum  gratiae  suae  modum,  simul  contendant.  Quare,  ut  diximus,  in  illam  adeo  fusam  disputationem  exspatiari,  non  est  huius  loci  proprium:  quo  non  universum  complecti  [pag.  10]  propositum  est,  quantum  vel  Domini  gloriae,  vel  aedificationi  hominum  debeas,  sed  duntaxat  breviter  ostendere,  quae  tibi  istic  inter  impios  agenti,  necessario  tenenda  sit  cautio:  et  quam  praetermittere,  quin  te  profanis  illorum  sacrilegiis  inquines,  non  possis.  1)  Edd.  rece.  omnes  1576  seq%.  emrjidanr:  degunt.