29:245  245  IN  I.  LIB.  SAMUEL.  CAP.  I.  246  memor  nostri  misertus  est,  ao  licet  eius  essemus  indigni  favore,  tamen  suam  in  servandis  promissionibus  constantiam  patefecit.  Et  quidem  maximus  hic  ad  nos  fructus  et  consolatio  redit  ex  collatione  veteris  illius  ecclesiae  cum  nostra,  quum  suam  praesentiam  patefacit  in  verbo,  cuius  praedicatione  collecti  sub  eius  signis  militemus.  Observandum  insuper  hoc  loco,  Deum  in  magnis  illis  operibus  efficiendis,  tamen  rationem  coram  hominibus  exilem  et  contemptam,  ac  prorsus  ab  humana  mente  alienam  sequi,  quo  maior  eius  potestas  nobis  innotescat.  Dicitur  Elcana  duas  uxores  habuisse,  quarum  altera  sterilis  erat.  Quod  primo  intuitu  parvi  momenti  est  :  sed  eam  esse  rationem  divinorum  operum  nosse  nos  oportet,  ut  licet  initio  se  non  magno  quodam  splendore  commendent,  tamen  infinitam  Dei  Opt.  Max.  virtutem,  sapientiam,  iustitiam  inenarrabilem  in  illis  latentem  esse  suspiciendam.  Caeterum  ita  Deum  agere  nobiscum  conducibile  est,  quos  certum  est,  si  alia  progrederetur  via,  puta  magno  cum  apparatu  et  magnificentia,  non  agnituros  eum  operantem,  nec  gloriam  illi  debitam  reddituros,  sed  fortunae  potius  aut  hominum  robori  opus  divinum  attributuros.  At  quum  ex  tenuibus  initiis,  nihil  magnum  pollicentibus,  praeter  exspeetationem  ingens  surgit  opus  et  perficitur,  tunc  divinam  manum  agnoscere  vel  invitos  necesse  est.  Quin  imo  Dei  hac  in  parte  commendanda  clementia,  hominum  infirmitatem  sublevantis,  ut  hac  via  quantumvis  malignos  ac  desides  excitet,  et  sese  illis  patefaciat,  de  quo  argumento  deinceps  pluribus  agam.  Porro  quae  de  nomine  Elcana,  de  cognatis,  urbe,  tribu  et  familia  hic  inseruntur,  Samuelem  indicant  ex  tribu  Levi  oriundum,  quod  clarius  longe  apparet  ex  1.  Chronic,  cap.  6.  ubi  tota  eius  familia  describitur,  et  ad  Caathum,  unum  ex  filiis  Levi  genus  ipsius  refertur.  Locus  habitationis  dicitur  Rama  ex  familia  Tzophaeorum,  quod  si  verbum  verbo  reddas  idem  significat  ac  si  dicas  speculatores  aut  exploratores.  Quanquam  quidam  interpretantur  vocem  illam  Tzophim,  sacerdotem  aut  prophetam  :  sed  nimis  coacta  est  interpretatio.  Non  est  enim  dubium  quin  Tzophim  fuerint  duo  colles  aut  e  regione  alter  alterius,  aut  e  quibus  tota  regio  conspici  poterat.  Caeterum  istae  circumstantiae-  non  parum  ad  historiae  fidem  faciunt,  Deo  suscitante  Samuelem  cuius  opera  tanquam  exserto  brachio  populi  collapsum  statum  restauraret.  Neque  enim  Deus  se  fore  patrem  testari  voluit  iis  qui  paene  demersi  iacuerant,  suscitato  tantum  gubernatore,  sed  maxime  prophetis,  longe  maiore  quam  superioribus  saeculis  copia  et  autoritate  suscitatis,  ut  floridum  et  delectabile  tempus  aspiraret.  Nam  scriptum  est  infra  illis  temporibus,  Dei  verbum  in  pretio  fuisse,  id  est  gratum  et  acceptum.  Nam  antea  fuerat  exiguus  prophetarum  numerus.  Et  quidem