27:245  245  SUR  LE  DEUTER.  CHAP.  XIII.  246  voudra  que  les  fausses  doctrines  demeurent  impunies:  mais  plustost  il  faut  sentir  que  c'est  un  contempteur  de  Dieu,  et  un  suppost  du  diable,  qui  ne  demande  sinon  qu'a  tout  pervertir  en  ce  monde.  De  nostre  part  apprenons  d'avoir  l'honneur  de  Dieu  tant  precieux,  que  si  nous  vengeons  les  iniures  faites  aux  hommes:  c'est  bien  raison  que  si  on  a  outrage  la  maieste  de  celuy  qui  nous  a  formez  et  creez,  que  cela  soit  puni.  Et  il  n'est  point  question  seulement  de  l'honneur  de  Dieu,  mais  aussi  du  salut  de  nos  ames:  car  ce  sont  choses  inseparables.  Et  cela  nous  doit  bien  aiguiser  tant  plus  a  ne  point  souffrir  les  erreurs  et  tromperies  des  fauxprophetes.  Voici  Dieu  qui  nous  a  testifie  l'amour  infinie  qu'il  nous  porte,  quand  il  conioint  nostre  salut  a  sa  gloire:  tellement  qu'on  ne  peut  toucher  l'un,  que  l'autre  ne  soit  blesse.  Que  si  on  viole  l'honneur  de  Dieu,  voila  le  salut  des  hommes  qui  est  assailli  quant  et  quant.  Or  la  dessus  Dieu  nous  dit:  Ne  souffrez  point  que  ie  soye  outrage  au  milieu  de  vous,  ne  qu'on  vous  sollicite  a  vous  revolter  de  mon  obeissance:  mais  s'il  y  a  quelque  malin  qui  se  dresse  entre  vous,  pour  vous  seduire:  gardez-vous  de  nourrir  une  telle  peste.  Nostre  Seigneur  parlant  ainsi,  ne  monstre-il  pas  qu'on  ne  peut  point  servir  a  son  honneur,  ni  le  maintenir  en  son  entier,  que  quant  et  quant  nous  ne  procurions  nostre  salut?  Et  ainsi  ceux  qui  se  iouent,  ces  mocqueurs  qui  voudroyent  qu'on  souffrist  toutes  fausses  doctrines,  et  qu'il  fust  licite  a  chacun  de  d  esgorger  ce  qu'ils  voudroyent:  outre  ce  qu'ils  se  deciairent  traistres  a  Dieu,  et  qu'ils  voudroyent  abolir  sa  maieste  si  en  eux  estoit,  ils  se  monstrent  ennemis  du  genre  humain,  et  qui  voudroyent  avoir  mis  en  perdition  et  ruine  les  povres  ames,  tellement  qu'ils  sont  pires  que  meurtriers.  Notons  bien  donc  que  si  l'honneur  de  Dieu  nous  est  precieux,  si  le  salut  de  nos  ames  nous  est  cher,  que  nous  ne  devons  point  nourrir  les  heresies,  ni  les  abus,  ni  toutes  autres  tromperies  de  Satan:  mais  qu'un  chacun  en  son  endroict,  et  en  son  estat  doit  procurer  que  l'Eglise  de  Dieu  soit  purgee  de  tous  maux,  et  que  nous  adorions  Dieu  d'un  commun  accord,  que  sa  doctrine  soit  receue,  et  qu'il  n'y  ait  point  de  division.  Or  cela  a  este  dit  au  peuple  ancien:  mais  auiourd'huy  l'honneur  de  Dieu  ne  doit  point  estre  amoindri  envers  nous:  et  les  raisons  que  nous  avons  desia  alleguees  nous  sont  communes.  Ne  pensons  point  donc  que  ceste  loy  soit  une  loy  speciale  pour  les  Iuifs:  mais  cognoissons  que  Dieu  nous  a  voulu  bailler  une  reigle  generale,  a  laquelle  il  nous  faut  tenir.  Vray  est  qu'on  allegue,  quand  nostre  Seigneur  Iesus  Christ  est  venu  au  monde,  qu'il  n'a  point  avance  par  glaive  sa  doctrine,  mais  plustost  que  luy  et  les  siens  ont  este  persecutez:  et  ainsi  que  ce  n'est  point  le  vray