20:245  245  1564  IANUAR.  246  aultrement  vous  seroit  assez  cognu.  Cest  que  sus  ce  que  ie  vous  avois  allegue,  que  David  nous  instruict  par  son  exemple  de  hair  les  ennemis  de  Dieu,  vous  respondes  que  cestoit  pour  ce  temps  la  duquel  soubz  la  loy  de  rigueur  il  estoit  permis  de  hair  les  ennemis.  Or,  Madame,  ceste  glose  seroit  pour  renverser  toute  lescriture,  et  pourtant  ii  la  fault  fuir  comme  une  peste  mortelle.  Car  on  voit  que  David  a  surmonte  en  bonte  le  meilheur  qui  se  pourroit  trouver  auiourdhuy.  Quainsi  soit,  quand  il  proteste  quil  a  pleure  et  verse  beaucoup  de  larmes  en  son  sein  pour  ceus  qui  luy  machinoyent  la  mort,  quil  a  porte  la  haire2)  en  menant  dueil  pour  eus,  quil  leur  a  rendu  le  bien  pour  le  mal,  on  voit  quil  a  este  aussi  debonnaire  quil  seroit  possible  de  souhaiter.  Mais  en  disant  quil  a  heu  en  haine  mortelle  les  reprouvez,  il  ny  a  doubte  quil  ne  se  glorifie  dun  zele  droict  et  pur,  et  bien  reigle,  auquel  il  y  a  trois  choses  requises:  cest  que  nous  nayons  point  esgard  a  nous  ny  a  nostre  particulier:  et  puis  que  nous  ayons  prudence  et  discretion  pour  ne  point  iuger  a  la  volee:  finalement  que  nous  tenions  bonne  mesure  sans  oultrepasser  les  bornes  de  nostre  vocation.  Ce  que  vous  verrez  plus  a  plain,  Madame,  en  plusieurs  passages  de  mes  commentaires  sur  les  psalmes,  quand  il  vous  plairra  prendre  la  peine  dy  regarder.  Tant  y  a  que  le  sainct  Esprit  nous  a  donne  David  pour  patron,  affin  que  nous  ensuivions  son  exemple  en  cest  endroict.  Et  de  faict  il  nous  est  dict  qu'en  ceste  ardeur  il  a  este  figure  de  nostre  Seigneur  Iesus  Christ.  Or  si  nous  pretendons  de  surmonter  en  doulceur  et  humanite  celluy  qui  est  la  fontaine  de  pitie  et  misericorde,  malheur  sur  nous.  Et  pour  couper  broche  a  toutes  disputes,  contentons  nous  que  sainct  Paul  applique  a  tous  fidelles  ce  passage,  que  le  zele  de  la  maison  de  Dieu  les  doit  engloutir.  Par  quoy  nostre  seigneur  Iesus  reprenant  ses  disciples  de  ce  quils  souhaitoyent  quil  feit  tomber  le  fouldre  du  ciel  sur  ceus  qui  le  reiettoyent,  comme  Elie  avoyt  faict,  ne  leur  allegue  pas  quon  nest  plus  soubz  la  loy  de  rigueur,  mais  seulement  leur  remonstre  quils  ne  sont  pas  menez  dune  telle  affection  que  le  prophete.  Mesme  sainct  Jehan  duquel  vous  navez  retenu  que  le  mot  de  charite,  monstre  bien  que  nous  ne  debvons  pas,  soubz  ombre  de  lamour  des  hommes,  nous  refroidir  quant  au  debvoir  que  nous  avons  a  lhonneur  de  Dieu  et  la  conservation  de  son  Eglise.  Cest  quand  il  nous  defend  mesme  de  saluer  ceus  qui  nous  destournent,  en  tant  quen  eus  sera,  de  la  pure  doctrine.  Sur  cela,  Madame,  ie  vous  prie  me  pardonner  si  ie  vous  dy  franchement  qua  mon  advis  vous  avez  aultrement  prins  la  similitude  de  lare  quon  ren-  2)  haine  Bt.