7:244  Dieu,  et  sa  iuste  punition,  laquelle  il  a  commande  aux  princes  d'exercer.  Parlant  des  guerres  de  l'ancien  testament,  il  dict  qu'il  ne  nous  convient  les  ensuyvre,  puis  que  nous  sommes  soubz  la  loy  de  charite:  comme  si  elle  n'eust  point  este  lors.  En  cela  il  faict  grande  iniure,  non  seulement  aux  sainctz  peres,  mais  a  Dieu,  qui  les  avoit  instruictz.  Et  n'use  pas  de  simple  reprehension  et  moderoe:  mais  crie  et  se  tempeste,  comme  s'il  batailloit  contre  tous  les  diables  d'enfer.  Car  ce  luy  est  un  blaspheme  execrable,  un  grand  outrage  contre  Dieu,  une  meschante  infidelite,  de  s'aider  des  loix  humaines  pour  le  gouvernement  du  monde.  Et  pourquoy?  D'autant  que  Dieu  est  suffisant  de  le  regir  par  sa  providence.  Voire,  mais  la  providence  de  Dieu  crie  par  Salomon  (Prov.  8,  15;,  que  cela  vient  d'elle,  que  les  princes  et  leurs  conseillers  font  ordonnances  et  statutz.  C'est,  dict  il,  Sathan  qui  a  mis  aux  cueurs  des  [page  233]  princes,  de  s'attribuer  ce  qui  appartient  a  Dieu  seul:  assavoir  de  faire  accomplir  sa  volunte.  Comme  si  les  loix  humaines  tendoyent  a  autre  fin,  que  de  tenir  le  monde  en  bon  ordre  et  iustice.  Ce  que  Dieu  veut  et  commande,  et  pour  laquelle  fin,  comme  dict  sainct  Paul  (Rom.  13,  1),  il  a  ordonne  les  principautez  au  monde.  L'office  des  princes,  dict-il,  n'est  pas  d'ouyr  les  quereles  de  leurs  subiectz,  ne  decider  proces:  car  par  tout  ou  il  y  a  proces,  il  y  a  aussi  transgression  des  deux  costez.  Ie  lay  nie  ceste  raison,  premierement.  Car  il  se  peut  bien  faire,  que  l'un  ait  bonne  cause:  comme  celuy  qui  defend  son  droict  estant  iniustement  assailly.  Et  d'autrepart  ie  dis  que  s'il  y  a  mal,  il  convient  de  venir  au  remede.  Il  assigne  la  cause  de  tous  les  maux  qu'ont  iamais  souffertz  les  enfans  d'Israel,  pource  qu'ilz  ont  demande  un  Roy.  Comme  si  auparavant  le  peuple  n'eust  pas  este  afflige  en  plusieurs  sortes,  autant  qu'il  l'a  este  apres.  C'est  donc  trop  inconsiderement  parler  :  et  est  une  trop  lourde  ignorance  [page  234]  des  histoires.  Mais  encor  ie  luy  demande,  s'il  n'y  avoit  point  au  paravant  ordre  politicque  institue  de  Dieu,  tel  que  celuy  qu'il  condamne  auiourdhuy?  Ie  luy  demande  si  Moyse  et  les  Iuges  n'oyoyent  pas  les  quereles  du  peuple,  et  les  decidoyent?  Que  c'est  d'un  homme  evente  et  sans  cervelle,  qui  se  iecte  a  travers  champs  en  speculations  mal  fondees?  I'ay  voulu  seulement  toucher  en  passant  ce  poinct,  a  fin  que  de  la  on  puisse  estimer  quel  est  tout  le  livre.  Ie  dis  toucher,  pource  qu'il  eust  este  long  de  le  desduire  tout  a.  plein,  et  aussi  pource  qu'il  me  sembloit  advis  superflu,  de  reiterer  ce  que  i'en  ay  traicte  en  mon  Institution.  Qui  plus  est,  ce  sont  resveries  tant  sottes  et  absurdes,  qu'il  suffist  entre  gens  de  sain  entendement,  les  avoir  monstrees  au  doigt,  a  fin  qu'on  y  prenne  garde.