7:243  243  CONTRE  LA  SECTE  244  gergonner,  a  fin  d'acquerir  bruit  par  leur  obscurite.  Mais  cestuy  cy  est  un  homme  de  quelque  esprit,  et  de  quelque  scavoir,  et  use  de  quelque  traditive.  l)  Tellement  que  il  pourroit  avoir  quelque  monstre2)  en  son  oeuvre,  n'estoit  qu'il  y  entremesle  des  folles  opinions  et  pernicieuses.  Il  est  vray  que  tout  bien  compte  et  rabbatu,  le  livre  total  ne  contient  pas  grand  substance,  depuis  un  bout  iusque  a  l'autre.  Mais  encor  seroit-il  aucunement  de  mise  sans  ces  folles  resveries  dont  il  est  farcy.  [page  230]  Du  beau  commencement  il  nie  que  les  afflictions  que  nous  endurons  en  ce  monde,  soyent  verges  de  Dieu.  Pour  le  prouver  il  adiouste  que  ce  sont  medecines  spirituelles,  qui  purgent  noz  vices.  Mais  ceste  raison  n'est  pas  valable.  Car  pourquoy  le  pere  chastie  il  son  enfant,  sinon  pour  l'amender?  Il  n'y  a  point  donc  de  inconvenient  que  la  verge  ne  soit  remede.  D'autrepart  il  est  a  noter  que  comme  Dieu  chastie  par  guerre,  peste,  famine,  et  autres  adversitez,  ses  fideles,  pour  leur  amendement  et  salut,  qu'aussi  il  punist  les  incredules  et  contempteurs,  usant  de  sa  iuste  vengeance  contre  eux.  Ainsi  comme  le  feu  purgeant  l'or  et  l'argent,  consume  la  paille  et  le  foin:  aussi  les  afflictions  sont  pour  purger  les  bons,  et  destruire  les  reprouvez.  Apres  il  dict  que  ceux  qui  sont  membres  de  Christ,  ne  vivent  plus  de  vie  corporelle  :  qui  est  une  forme  de  parler  excessive,  et  sentant  son  resveur.  Ie  laisse  a  parler  qu'il  expose  mal  le  passage  de  l'epistre  sainct  Iehan  sur  lequel  il  fonde  son  theme  principal.  [page  231]  Apres  il  condamne  d'un  coste  toute  la  politique,  qui  est  pour  conserver  les  biens:  de  l'autre  coste,  la  medecine,  qui  est  pour  la  conservation  de  la  vie  corporelle.  Et  combien  qu'en  d'aucuns  endroict  z  il  tasche  de  corriger,  ou  pour  le  moins  un  peu  moderer  telle  temerite,  neantmoins  si  persevere  il  tousiours  en  cela,  que  toutes  loix  humaines  concernantes  la  politique,  ne  sont  qu'inventions  diaboliques:  que  la  medecine  n'est  qu'une  idolatrie.  S'il  reprenoit  les  abus  qui  s'y  commettent  :  ie  seroye  bien  d'accord  avec  luy:  et  n'en  scaurois  tant  dire,  que  ie  n'y  adioustasse  d'advantage.  Mais  en  vituperant  choses  bonnes  et  sainctes,  il  blaspheme  Dieu  duquel  elles  procedent.  Apres  il  condamne  en  general  toutes  guerres,  sans  discerner  si  elles  sont  menees  par  iuste  cause,  ou  non,  mesme  quand  un  prince  ne  feroit  guerre  que  pour  la  defense  de  son  peuple,  sans  estre  incite  ne  d'ambition,  ne  d'avarice:  mais  pour  le  seul  devoir  de  son  office.  Pour  confermer  cela  il  allegue,  qu'il  [page  232]  nous  est  commande  de  donner  lieu  a  l'ire  (Rom.  12,  19).  Or  sainct  Paul  par  le  mot  d'ire,  entend  la  vengeance  de  1)  nonnihil  habet  methodi.  2)  speciem.