50:243  243  EPIST.  PAULI  AD  GALATAS  244  5.  Nos  enim  spiritu,  ex  fide,  spem  iustitiae  exspectamus.  6.  Nam  in  Christo  Iesu  neque  circumcisio  quidquam  valet,  neque  praeputium  :  sed  fides  per  dilectionem  operans.  1.  In  libertate  igitur.  Postquam  filios  liberae  esse  dixit,  nuno  admonet  quantum  sit  pretium  huius  libertatis,  ne  eam,  ceu  rem  nihili,  contemnant.  Et  certe  inaestimabile  bonum  est,  pro  quo  usque  ad  mortem  pugnare  nos  decet.  Neque  enim  hic  de  focis  tantum  agitur,  sed  etiam  de  aris.  Hoc  hodie  multi  quia  non  considerant,  damnant  nos  importunitatis,  dum  vident  nos  tam  acriter,  tantaque  contentione  asserere  libertatem  fidei  adversus  papae  tyrannidem  in  rebus  externis.  Hoc  etiam  praetextu  adversarii  invidiam  nobis  conflant  apud  imperitos,  quasi  nihil  quam  licentiam  quaeramus,  quae  sit  omnis  disciplinae  solutio.  Sed  prudentes  et  exercitati  norunt,  hoc  in  salutis  doctrina  unum  esse  ex  praecipuis  capitibus.  Non  enim  hic  agitur,  hocne  an  illo  cibo  vescaris,  celebresne  hunc  diem  an  praetereas  (quemadmodum  stulte  existimant  multi,  nonnulli  vero  calumniantur),  sed  quidnam  tibi  coram  Deo  liceat,  quid  ad  salutem  sit  necessarium,  quid  omittere  sit  nefas.  Denique  disceptatio  est  de  conscientiae  conditione,  ubi  ad  tribunal  Dei  venitur.  Porro  libertatem  hic  intelligit  Paulus  a  caeremoniis  legis:  quarum  observationem  exigebant,  tanquam  necessariam,  pseudoapostoli.  Verum  simul  meminerint  lectores,  eiusmodi  libertatem  esse  partem  eius  duntaxat  quam  nobis  acquisivit  Christus.  Quantulum  enim  id  foret,  si  nos  tantum  liberasset  a  caeremoniis?  Hic  ergo  rivus  ex  altiore  fonte  manat:  nempe  quia  factus  est  maledictum,  ut  nos  a  legis  maledictione  redimeret:  quia  vim  legis  abrogavit,  quatenus  Dei  iudicio  nos  tenebat  obnoxios  sub  reatu  aeternae  mortis:  quia  denique  a  tyrannide  peccati,  Satanae  et  mortis  nos  asseruit.  Ita  sub  una  specie  comprehenditur  totum  genus:  qua  de  re  dicemus  in  Epistola  ad  Colossenses.  Porro  in  cruce  libertatem  nobis  acquisivit  Christus:  eius  fructum  et  possessionem  per  evangelium  nobis  confert.  Bene  ergo  Paulus,  qni  Galatas  admonet  ne  rursus  implicentur  iugo  servitutis:  hoc  est,  ne  conscientiis  laqueum  sinant  indui.  Nam  si  onus  humeris  nostris  iniquum  imponant  homines,  sustineri  potest:  conscientias  si  redigere  velint  in  servitutem,  fortiter  et  usque  ad  mortem  resistendum.  Spoliabimur  enim  inaestimabili  beneficio,  si  licebit  hominibus  conscientias  nostras  ligare.  Et  simul  Christo  libertatis  autori  fiet  iniuria.  Sed  quid  valet  istud  rursus?  Nam  Galatae  nunquam  sub  lege  vixerant.  Simpliciter  capitur  pro  perinde,  ac  si  non  essent  redempti  Christi  gratia.  Etsi  enim  Iudaeis,  non  gentibus  lata  erat  lex:  tamen  extra  Christum  nulla  est  utrisque  libertas,  sed  mera  servitus.