30:243  243  HOMILIA  LXV.  244  adversus  omnes  hostium  impetus  animos  nostros  confirmat,  quod  Deum  bellorum  et  exercituum  dominum  esse  sciamus.  Quamobrem  discamus  omnem  incredulitatem  et  infidelitatem  captivam  ducere,  ut  semel  in  Deo  fiduciam  nostram  collocantes  adversus  quascunque  tentationes  forti  animo  stemus  imperterriti:  ac  proinde  in  summis  difficultatibus  et  angustiis  Deum  satis  potentem  agnoscamus,  ad  nos  ex  omnibus  illis  liberandos:  modo  ipsi  adytum  non  claudamus,  sed  potius  fide  in  ipsius  promissiones  respiciamus,  et  gratiam  eius  admittamus.  Iam  vero  agite,  ete.  HOMILIA  LXY-  48.  Quum  ergo  surrexisset  Philistaeus,  et  veniret,  et  appropinquaret  contra  David,  festinavit  David,  et  cucurrit  ad  pugnam  ex  adverso  Philistaei.  49.  Et  misit  manum  suam  in  peram,  tulitque  unum  lapidem,  et  funda  iecit,  et  percussit  Philistaeum  in  fronte  :  et  infixus  est  lapis  in  fronte  eius,  et  cecidit  in  faciem  suam  super  terram.  50.  Praevaluitque  David  adversus  Philistaeum  in  funda  et  lapide,  percussumque  Philistaeum  interfecit  Quumque  gladium  in  manu  non  haberet  David,  51.  Cucurrit,  et  stetit  super  Philistaeum,  et  tulit  gladium  eius,  et  eduxit  eum  de  vagina  sua:  et  interfecit  eum,  praeciditque  caput  eius.  Videntes  autem  Philistaei  quod  mortuus  esset  fortis  eorum,  fugerunt.  52.  Et  consurgentes  viri  Israel  et  Iuda,  vociferati  sunt,  et  persequuti  sunt  Philistaeos,  usque  dum  venirent  in  vallem,  et  usque  ad  portas  Accaron:  cecideruntque  vulnerati  de  Philistiim  via  Saraim  usque  ad  Geth,  et  usque  ad  Accaron.  53.  Et  revertentes  filii  Israel  postquam  persequuti  fuerant  Philistaeos,  invaserunt  castra  eorum.  54.  Assumens  autem  David  caput  Philistaei,  attulit  illud  in  Ierusalem:  arma  vero  eius  posuit  in  tabernaculo  suo.  55.  Eo  autem  tempore  quo  viderat  Saul  David  egredientem  contra  Philistaeum,  ait  ad  Abner  principem  militiae  :  De  qua  stirpe  descendit  hic  adolescens,  Abner  ?  Dixitque  Abner  :  Vivit  anima  tua,  rex,  si  novi.  56.  Et  ait  rex:  interroga  tu,  cuius  filius  sit  iste  puer.  57.  Quumque  regressus  esset  David,  percusso  Philistaea,  tulit  eum  Abner,  et  introduxit  coram  Saule,  caput  Philistaei  habentem  in  manu:  58.  Et  ait  ad  eum  Saul:  De  qua  progenie,  es,  o  adolescens?  Dixitque  David,  Filius  servi  tui  Isai  Bethleemitae  ego  sum.  Narratio  nobis  hic  occurrit  audaciae  et  fortitudinis,  tam  Philistaei  quam  Davidis,  ex  opposito  consideranda.  Sed  in  primis  observandum  gigantem  illum  Goiiathum  audacter,  suis  viribus  confisum,  progressum  esse:  Davidem  vero  contra  de  se  nihil  sperasse,  sed  auxilium  a  Domino  exspectasse.  Nae