27:243  243  SERMON  LXXXVII.  244  venons  maintenant  a  ce  que  Moyse  adiouste.  Le  prophete  (dit-il)  ou  ie  sedudeur,  qui  aura  seduit  et  abuse  le  peuple,  pour  le  faire  revolter  du  Seigneur  son  Dieu  j  que  celuy-la  soit  mis  a  mort,  et  qu'on  oste  le  mal  du  milieu  de  vous.  Ici  nostre  Seigneur  veut  que  non  seulement  ont  se  garde  d'escouter  les  faux-prophetes,  mais  qu'on  extermine  une  telle  peste.  Et  en  cela  monstre-ii  le  zele  que  nous  devons  avoir  a  maintenir  son  honneur.  Et  ainsi,  pour  demeurer  en  la  pure  simplicite  de  foy,  desia  il  avoit  dit:  Gardez-vous  d'escouter  un  faux-prophete.  Et  ce  n'est  point  sans  cause  que  nostre  Seigneur  a  deffendu  a  tous  les  siens  de  prester  l'aureille  a  ceux  qui  nous  apportent  doctrines  nouvelles.  Et  pourquoy?  Quand  nous  avons  la  parolle  de  Dieu,  elle  nous  doit  bien  contenter:  et  si  nous  ne  sommes  rassasiez  de  cela,  quelle  ingratitude  estce?  Car  si  nous  demandons  d'estre  embrouillez  de  fausses  doctrines,  n'est-ce  pas  nous  ietter  en  proye  a  Satan?  Ne  meritons-nous  pas  bien  donc  que  Dieu  nous  laisse  la  comme  desproveus  de  sens,  et  que  nous  soyons  tirez  comme  bestes  brutes  en  tout  erreur?  Mais  nous  avons  non  seulement  a  fuir  les  faux-propbetes,  et  ne  donner  nul  accez  a  leurs  astuces:  mais  il  faut  aussi  (comme  sainct  Paul  en  parle)  que  nous  advisions  d'en  purger  l'Eglise  de  Dieu,  qu'une  telle  peste  ne  soit  point  nourrie  au  milieu  de  nous.  Et  de  faict,  si  nous  cognoissions  nostre  fragilite,  et  d'autre  part  que  nous  regardissions  bien  ce  que  Satan  peut  contre  nous:  il  est  certain  que  nous  serions  plus  sur  nos  gardes  que  nous  n'avons  de  constume.  Il  est  vray  (comme  i'ay  desia  dit)  que  nous  voudrons  bien  nous  reposer  en  Dieu,  et  nous  y  arrester  :  que  nous  ne  donnerons  point  d'occasion  a  Satan  de  nous  seduire,  et  que  nous  n'irons  pas  mesme  par  une  folle  convoitise  cercher  les  mensonges,  ni  nous  ietter  aux  filets,  nous  demeurerons  tout  asseurez  que  Dieu  nous  presentera:  mais  tant  y  a  si  ne  laissons-nous  point  d'estre  tant  infirmes  que  rien  plus,  et  ne  faudroit  sinon  que  Satan  nous  fist  signe  du  doigt,  pour  nous  transporter  tantost  du  bon  chemin  de  salut.  Voyans  cela,  tant  plus  devonsnous  cercher  les  remedes  pour  prevenir  le  mal.  Et  puis  regardons  que  c'est  que  peut  Satan:  il  est  le  prince  du  monde,  et  ainsi  nous  serons  incontinent  surprins  de  luy,  voire  si  nous  sommes  nonchallans.  Ce  n'est  point  donc  sans  cause  que  nostre  Seigneur  nous  advertit  de  donner  si  bon  ordre,  qu'une  telle  peste  ne  couve  point  au  milieu  de  nous,  c'est  a  dire,  que  nous  n'ayons  point  des  trompeurs  qui  abusent  les  simples,  et  les  destournent  de  la  pure  verite,  et  qui  les  corrompent:  car  il  semble  que  nous  vueillions  a,  nostre  escient  estre  divertis  de  Dieu,  quand  nous  donnons  une  telle  licence  au  mal.  S'il  y  avoit  une  bresche  en  la  ville,  et  que  les