10.1:243  CONSILIA.  lunt,  quam  coniugium  fateri.  Atqui  si  ex  duobus  malis  alterutrum  eligere  oportuit,  praestabat  libertatem  pecunia  redimere,  quam  se  demergere  in  hunc  labyrinthum.  Nam  inde  factum  est,  ut  mulier,  simulatque  obrepsit  fastidium  mariti,  neglecta  fide  divortium  faceret:  eadem  levitate  maritus,  causa  incognita,  ad  novas  nuptias  transvolaret.  Digni  ambo  in  quos  severe  animadvertatur,  indigni  in  quorum  gratiam  tam  laboriose  de  perplexa  causa  inquiras.  Quis  enim  iam  exitus  reperietur?  Uxor  iugum  mariti  excutiendo,  violavit  datam  fidem.  Voluntarium  ergo  hoc  divortium  non  procul  abfuit  ab  adulterii  specie,  sive  eam  morositas,  sive  libido  impulit.  Verum  maritus,  quia  res  adhuc  manebat  integra,  licet  frustra  tentata  reconciliatione,  et  quidem  saepius:  debuit  quodvis  potius  subire  discrimen,  ut  eam  ad  praestandum  officium  cogeret,  quam  et  privato  consilio  sacrum  et  insolubile  vinculum  abrumpere,  et  sibi  iudicium  sumere  in  propria  causa.  Itaque  secundae  uxoris  inductio  nihil  aliud  est,  quam  merum  adulterium  honesto  coniugii  titulo  velatum.  Neque  enim  illa  uxoris  discessione  liber  erat,  donec  legitime  cognitum  foret,  suo  iure  eum  privari.  Fefellit  igitur  secundam,  cui  fidem  iam  alibi  obstrictam  quasi  solutus  dedit.  Mulieri  quoque  nihilo  maior  libertas,  quae  occasionem  adulterio  praebuit.  Silere