9:242  tamen,  sicuti  volunt,  spiritualis  interpretatio  excluditur,  quae  modum  distinguat,  quando  haec  optime  conveniunt,  idem  corpus,  quod  semel  victima  factum  est,  nobis  dari,  neque  tamen  comedi  carnali  modo.  Certe  Augustini  et  Hieronymi  aetate  nemo  ambigebat,  quin  unicum  esset  Christo  corpus.  Ille  tamen,  ut  obviam  eat  crassae  imaginationi,  Christum  inducit  loquentem:  Mysterium  vobis  commendavi,  spiritualiter  intellectum  vivificabit  vos.  Hic  etiam  asperius  pronunciat,  aliam  esse  carnem  Christi,  qua  in  coena  vescimur,  quam  quae  in  cruce  oblata  fuit:  et  alium  bibi  sanguinem,  quam  qui  fuit  oblatus.  Non  quod  re  vera  diversas  carnis  ≪it  sanguinis  naturas  esse  putaret:  sed  quo  certius  exprimeret  in  mysterio  comedi,  hoc  est,  fieri  arcana  spiritus  virtute  ut  Christi  caro  vere  spiritualis  nos  vivificet.  Antehac  [pag.  300]  aliquoties  negarunt  spirituale  esse  Christi  corpus,  quod  nobis  proponitur  in  spiritualem  cibum.  Quasi  vero  minor  sit  hodie  corporis  gloriosi  dignitas  in  Christo,  quam  olim  futura  est  in  omnibus  eius  membris.  Paulus  de  generali  piorum  resurrectione  disserens,  quod  nunc  est  animale,  inquit,  tunc  fiet  spirituale  :  quia  absorbebitur  mortalitas  a  vita  (  1  Cor.  15,  44).  Iam  uno  errore  non  contenta  Bremensium  pervicacia  omnem  spiritualem  modum,  et  interpretationem  excludit.  Longe  etiam  crassius  ex  frangendi  verbo  inferunt,  panem  qui  in  coena  distribuitur,  verum  et  naturale  esse  Christi  corpus.  Paulus,  fateor,  uno  in  loco  (1  Cor.  10,  16)  panem  frangi  dicit,  alio  autem:  Hoc  est  corpus  meum,  quod  pro  vobis  frangitur  (1  Cor.  l  l  ,  24).  Sed  miror  bonos  istos  hebraicae  linguae  doctores,  qui  paulo  post  ex  pronomine  Hoc  faciunt  masculinum  pronomen  Hic,  quia  neutro  genere  carent  Hebraei,  non  tenere  quod  pueris  elementariis  tritum  est,  [pag.  301]  verbum  praesentis  temporis  debere  in  futurum  resolvi.  Certe  idem  dicit  quod  reliqui  evangelistae,  apud  quos  nulla  quotidianae  fractionis  fit  mentio,  sed  tantum  memoratur  traditio  in  cruce  facta.  Quare  Frangi  Paulo  tantundem  valet,  atque  immolari  :  nisi  quod  ad  mysticam  actionem,  quae  vivum  est  mortis  Christi  speculum,  alludit.  Commentum  ergo,  quod  pro  genuino  sensu  obtrudunt  Bremenses:  Hoc  est  corpus  meum,  quod  pro  vobis  in  pane  frangitur  vel  distribuitur,  nihil  aliud  quam  belluina  profanatio  est,  quae  piis  omnibus,  ut  spero,  exsecrabiles  eos  reddet  cum  suo  errore,  quem  aliter  tueri  nequeunt,  nisi  omnia  pervertendo.  In  nomine  κοινωνίας  cur  tantopere  insistant  nulla  est  causa.  Participationem  significat.  Quid  tum?  Nam  si  inde  colligant  substantialiter  comedi  Christi  corpus,  vicissim  dicemus  sacerdotes  substantiam  altaris  vorasse,  et  substantialiter  etiam  deglutiri  idolum  a  suis  cultoribus  [pag.  302]  quando  in  utroque  κοινωνίαν  statuit  Paulus  eodem  loco.  Quod  etiam  veteris  testamenti  symbola  et  figuras  hinc  16