7:242  tien,  et  suyvant  en  simplicite  de  cueur  la  pure  doctrine  de  l'Evangile,  de  se  renommer  d'en  estre,  pour  les  descrier  et  diffamer  envers  les  vrays  serviteurs  de  Dieu,  et  aussi  envers  les  ignorans:  Attendu  mesme  que  ce  seroit  occasion  de  blasphemer  le  nom  de  Dieu,  si  on  pensoit  que  les  Vaudois  eussent  rien  de  commun  avec  un  tel  chien.  CHAPITRE  XXIV.  Ou  sont  advertis  les  lecteurs  de  certains  livres  imprimez  ^  desquelz  s'aydent  les  Libertins:  combien  qu^ilz  ne  facent  pas  du  tout  pour  eux.  Pource  que  quand  on  commence  une  fois  d'avoir  l'esprit  embrouille  de  quelque  folle  resverie,  d'un  mal  [page  228]  on  vient  coustumierement  a  l'autre,l)  il  est  bon  que  tous  fideles  lecteurs  soyent  advertis  d'aucuns  livretz  imprimez,  qui  sont  infectez  d'opinions  phantastiques,  lesquelles  pourroyent  estre  comme  une  entree  et  introduction  en  la  secte  des  Libertins:  comme  de  faict  ilz  s'en  servent2)  pour  esgarer  les  entendementz  des  simples,  a  fin  d'en  iouyr  plus  aisement  apres.  Entre  autres  il  y  a  un  petit  traicte,  seulement  d'une  fueille,3)  faulsement  intitule:  Instruction  et  salutaire  admonition,  pour  parfaictement  vivre  en  ce  monde,  et  comment  en  toute  nostre  adversite  serons  patiens.  Si  on  me  demande  que  i'y  trouve  de  mauvais  :  ie  dis  pour  un  item,  que  tout  l'argument  est  extravagant,4)  duquel  on  ne  sauroit  prendre  nulle  certaine  resolution.  Secondement  qu'il  y  a  des  speculations  sottes  et  absurdes,  qui  ne  servent  que  de  esbranler  les  espritz,  pour  apres  les  laisser  comme  suspens  en  l'air.  Tiercement  qu'il  y  a  des  propos  desbordez  hors  de  toute  raison.  Comme,  que  l'homme  fidele  [page  229]  est  aussi  aise  d'estre  en  enfer,  qu'en  paradis:  et  semblables.  Au  reste  il  suffist  de  l'avoir  nomme,  pource  que  mon  intention  n'est  point  de  disputer  a  l'encontre  II  y  en  a  un  autre  plus  gros,  d'environ  quatorze  quayers,5)  intitule:  La  lunette  des  Chrestiens:  qui  a  la  verite  est  beaucoup  plus  propre  a.  troubler  qu'ayder  la  veue.  Or  il  est  vray,  que  quiconque  l'ait  faict,  n'est  pas  un  tel  asnier  comme  Quintin  ou  messire  Antoine  Pocque:  qui  n'ont  non  plus  d'apparence  que  d'effect,  excepte  leur  ruse  de  1)  semper  in  detenus  labi  solent.  2)  causam  suam  fulciunt.  3)  seulement  d'une  fueille,  manque  dans  la  traduction.  4)  vagum.  5)  d'environ  quatorze  quayers,  manque  dans  la  traduction  qui  dit  simplement:  paulo  longior.  Au  lieu  de  quatorze  V  edition  de  1611  met.  quatre.  16