55:242  nos  pro  suis  reputet,  nisi  quia  nostri  misertus,  gratis  nos  adoptat.  Sola  igitur  est  gratuita  Dei  bonitas  quae  nos  facit  ex  non  populo,  Dei  populum^  vel  alienatos  conciliat.  l  l  .  Amici,  adhortor  vos  tanquam  inquilinos  et  peregrinos^  ut  abstineatis  a  carnalibus  desideriis,  quae  militant  adversus  animam.  12.  Conversationem  vestram  inter  gentes  bonam  habentes:  ut  in  quo  detrahunt  de  vobis  tanquam  maleficis,  ex  bonis  operibus  aestimantes,  glorificent  Deum  in  die  visitatimis.  11.  Tanquam  inquilinos.  Duae  sunt  huius  exhortationis  partes:  ut  animi  intus  pravis  et  vitiosis  cupiditatibus  vacui  ac  puri  sint:  deinde  ut  honeste  versentur  inter  homines:  ac  bonae  vitae  exemplo  non  tantum  confirment  pios,  sed  infideles  quoque  Deo  lucrifaciant.  Primum  autem  ut  a  cupiditatibus  carnis  eos  revocet,  hoc  argumento  utitur,  quod  advenae  sint  et  peregrini.  Sic  autem  eos  appellat,  non  quia  a  patria  exsularent,  ac  dissipati  essent  in  diversis  regionibus:  sed  quia  filii  Dei  ubicunque  terrarum  agant,  mundi  sunt  hospites.  Priore  quidem  sensu,  initio  epistolae  eos  vocavit  inquilinos,  quemadmodum  ex  circumstantia  loci  apparet:  sed  quod  hic  dicit,  iis  omnibus  commune  est.  Ideo  enim  nos  carnis  desideria  implicitos  tenent,  quia  mente  in  mundo  residemus,  nec  cogitamus  coelum  esse  patriam  :  qui  autem  tanquam  peregrini  per  hanc  vitam  transeunt,  carni  nunquam  erunt  addicti.  Carnis  autem  desideria  intelligit,  non  tantum  crassos  et  cum  pecudibus  communes  appetitus,  sicuti  sophistae  exponunt:  sed  omnes  animae  nostrae  affectus,  ad  quos  natura  ferimur  ac  ducimur.  Certum  enim  est  cogitationem  omnem  carnis,  hoc  est  naturae  non  correctae,  inimicitiam  esse  adversus  Deum,  Roma.  8,  7.  Quae  militant  adversus  animam.  Aliud  argumentum,  quod  non  possint  carnis  desideriis  morem  genere,  nisi  in  suam  perniciem.  Neque  enim  certamen  hic  notat  quale  describitur  a  Paulo,  septimo  ad  Rom.  capite,  et  quinto  ad  Galatas,  ut  animam  statuat  tanquam  antagonistam  :  sed  hoc  dicit,  carnis  affectus,  utcunque  illis  anima  consentiat,  in  eius  exitium  tendere.  Socordiam  enim  nostram  in  eo  arguit,  quod  quum  anxie  intenti  simus  ad  cavendos  hostes  a  quibus  timemus  corporis  periculum:  ita  sponte  admittimus  sonticos  animae  hostes,  ut  nos  interimant:  imo  quasi  iugulum  illis  porrigimus.  12.  Conversationem  vestram.  Alterum  exhortationis  membrum,  ut  se  honeste  gerant  apud  homines.  Hoc  quidem  ordine  praecedit,  ut  animi  coram  Deo  purgati  sint:  sed  habenda  deinde  est  hominum  ratio,  ne  scandalo  illis  simus.  Nominatim  autem  dicit  inter  gentes  quae  detrahunt.  Erant  enim  ubique  Iudaei  non  tantum  exosi,  sed  16