5:242  deflexis  a  verbo  Dei  oculis,  nihil  a  se  plus  exigunt,  quam  quod  incolumi  salutis  suae  rerumque  suarum  statu  praestari  queat:  quidquid  discrimine  aliquo  nimiaque  difficultate  involutum  est,  id  ut  missum  faciant,  sibi  facile  permittunt,  nec  interim  exaudiunt,  quam  horribilis  edicta  sit  in  eos  vindicta,  qui  contemptis  Dei  praesidiis,  quo  meliora  sibi  comparent,  suam  stationem  deserunt.  Sic  enim  per  prophetam  Iudaeos  Dominus  obiurgat,  quod  praesentibus  opibus,  quibus  eos  acquiescere  ipse  iusserat,  [pag.  6]  diffisi,  interdicta  Aegypti  subsidia  sibi  accerserent:  Vae,  inquit  (Ies.  30,  1  ss.),  filii  desertores,  ut  agitaretis  consilium,  et  non  ex  me:  ut  ordiremini  telam,  et  non  per  spiritum  meum:  ut  adderetis  peccatum  peccato  :  qui  vos  accingitis,  ut  descendatis  in  Aegyptum,  et  os  meum  non  interrogastis:  sperantes  auxilium  in  fortitudine  Pharaonis,  et  fiduciam  ponentes  in  umbra  Aegypti.  Et  erit  vobis  fortitudo  Pharaonis  in  confusionem,  et  fiducia  umbrae  Aegypti  in  ignominiam.  Quum  vero  tanta  in  eos  asperitate  feratur,  quid  indulgentius  mitiusve  exspectent  isti,  qui  indigne  ferentes,  frementesque  omnium  sese  odiis,  omnibusque  periculis  Dei  voluntate  obiectari,  ea  valere  iussa,  novas  sibi  illicitasque  cautiones  suo  marte  confingunt?  Neque  vero  ignoro,  quanto  suavius  carnis  nostrae  mollitudini  blandiantur  suffugia,  quae  periculum  aliquod  submovere  videantur:  quam  simplex  istaec  erga  Dei  verbum  obedientia,  cui  tantum  discriminum  sit  propositum.  Verum  nulla  est  tanta  difficultas,  quam  non  eluctetur,  qui  hac  se  cogitatione  offirmaverit  :  non  posse  gravius  quidquam  minari  universum  hominum  genus,  quam  quod  castrorum  suorum  desertoribus,  in  illa  quam  retulimus  prophetia,  Dominus  denunciat.  Non  minimum  operae  pretium  fuerit  hic  nobis  succurrere,  quod  de  Cypriano  quodam  loco  narrat  Augustinus.  1)  Postquam  capite  damnatus  fuisset,  datam  illi  optionem  redimendae  vitae,  si  verbo  duntaxat  abnegaret  eam  religionem,  cuius  causa  mortem  obibat:  nec  illi  factam  modo  potestatem,  sed  ubi  iam  in  supplicii  locum  ventum  esset,  ambitiose  rogatum  a  provinciae  praeside,  ut  deliberaret,  an  non  vitae  suae  (quoniam  ita  licebat  per  Caesarum  clementiam)  consultum  mallet,  quam  poenam  luere  ineptae  pervicaciae.  Illum  contra  breviter  ad  omnia  respondisse:  In  re.  tam  sancta  nullum  esse  deliberationi  locum.  Si  quis  sanctum  virum,  quum  in  conspectu  essent  tormentorum  apparatus,  instaret  atroci  truculentoque  vultu  carnifex,  cervicibus  iamiam  immineret  ictus  gladii,  dirae  undique  insanientis  populi  mixtae  probris  imprecationes  obstreperent,  terriculamentis  illis  omnibus  non  fuisse  deiectum  miratur,  1)  Vide  Augustini  Sermonem  CCC  IX.  in  Natal  Cypriani.  Opp.  T.  VII.  P.  2.  p.  1249  Bass.  16