49:242  tunitas  :  quo  nos  alacrius  ad  officium  properare  decet.  Sic  alibi  iubet  Paulus  redimere  tempus,  quia  dies  mali  sunt.  Potest  etiam  esse  sensus,  ut  noverimus  tempori  nos  accommodare:  qua  in  re  multum  momenti  positum  est1).  Sed  mihi  videtur  Paulus  cessationi  opponere  quod  servire  tempori  praecipit.  Porro  quia  m  multis  vetustis  exemplaribus  legitur  %uptq>,  licet  videri  possit  primo  intuitu  extraneum,  prorsus  reiicere  non  audeo.  Quod  si  lectio  illa  placet,  non  dubito  quin  Paulus  quae  fratribus  praestantur  officia,  et  quidquid  alendae  caritati  servit,  referre  voluerit  ad  Dei  cultum,  quo  plus  animi  adderet  fidelibus.  12.  Spe  gaudentes.  Sunt  et  haec  tria  inter  se  coniuncta,  ac  quodammodo  videntur  pertinere  ad  illud  tempori  servientes.  Ille  enim  se  tempori  optime  accommodat  et  occasione  utitur  ad  strenue  currendum,  qui  in  spe  vitae  futurae  gaudium  suum  reponit  et  tribulationes  patienter  sustinet.  Utcunque  sit  (neque  enim  valde  refert  sive  coniungas,  sive  separes),  primum  vetat  nos  acquiescere  in  praesentibus  bonis,  atque  in  terra  rebusque  terrenis  laetitiam  nostram  constituere,  perinde  ac  si  illic  sita  nobis  esset  felicitas:  sed  in  coelum  mentes  erigere  iubet,  quo  solido  plenoque  gaudio  perfruamur.  Si  gaudium  nostrum  futurae  vitae  spe  continebitur,  inde  nascetur  patientia  in  rebus  adversis  :  quia  gaudium  illud  nullus  doloris  sensus  opprimere  poterit.  Itaque  duo  haec  mutuo  inter  se  nexu  cohaerent,  gaudium  ex  spe  conceptum,  et  in  rebus  adversis  tolerantia.  Neque  enim  ad  crucem  ferendam  se  quisquam  placide  et  quieto  animo  submittet,  nisi  qui  extra  mundum  suam  felicitatem  quaerere  didicerit,  ut  spei  consolatione  crucis  acerbitatem  mitiget  ac  leniat  At  quia  utrumque  viribus  nostris  longe  est  superius,  orationi  instandum,  ac  continenter  rogandus  Deus  ne  animos  liquescere  ac  in  terram  excidere,  aut  rebus  asperis  frangi  sinat.  Porro  non  tantum  ad  preces  nos  stimulat  Paulus,  sed  diserte  perseverantiam  exigit:  quia  nobis  continua  est  militia,  et  quotidie  surgunt  varii  insultus,  quibus  sustinendis  impares  essent  etiam  fortissimi  quique,  nisi  subinde  novum  vigorem  colligerent  Caeterum  ne  fatigemur,  optimum  est  remedium  precandi  assiduitas.  13.  Necessitatibus  sanctorum,  ete.  Redit  ad  officia  caritatis,  quorum  praecipuum  est  iis  benefacere,  a  quibus  minimum  remunerationis  exspectamus.  Quoniam  itaque  fere  fit  ut  ii  maxime  contemnantur,  qui  prae  aliis  egestate  pressi  sunt  et  auxilio  indigent  (quia  putantur  ��perdita  esse  quae  apud  eos  collocantur  beneficia),  singulariter  ipsos  nobis  commendat  Deus.  Tunc  enim  demum  vere  caritatem  nostram  approbamus,  ubi  non  alio  quam  exercenl  )  sic  tamen  ut  in  qualibet  inclinatione  rectum  cursum  teneamus.  Quod  autem  alicubi  legitur  Domino,  id  est  prorsus  extraneum.