29:242  tasse,  imo  etiam  abiecisse  populi  sui  curam  visus  est:  suae  tamen  misericordiae  ac  clementiae  locum  dedit,  tantisper  dum  tempus  quo  se  apertius  patefaceret  advenisset.  Hactenus  vidimus  a  Deo  subinde  suscitatos  difficillimis  temporibus  iudices,  qui  populi  curam  gererent,  ac  in  pace  foverent,  ecce  iam  aliam  gubernationis  formam,  Samuelem  puta  prophetam  constitutum,  donec  Saulus  in  regem  electus  sit.  Hoc  pulchre  Paulus  persequitur  Act.  13,  17.  docens  Deum  post  electam  Abrahami  sobolem  in  peculium  suum,  suam  beneficentiam  erga  populum  illum  testari  non  desiisse  novis  quotidie  beneficiis,  et  singulari  cura,  adeo  ut  amore  paterno  complexus  illos,  tutatus  sit  regnum  in  familia  Davidis,  donec  liberator  ille  promissus  Dominus  noster  Iesus  Christus  adveniret.  Quae  tempora  Paulus  notat,  ut  Dei  praesentia  et  continuus  favor  erga  hunc  populum  omnibus  clarius  appareat,  qui  primum  quidem  in  Abrahami  familia  per  singula  saeeula  viros  maximos  suscitavit,  qui  bonis  legibus  illam  regerent  et  tutarentur,  deinde  iudices  sive  liberatores,  et  assertores  excitavit  donec  longe  ante  promissum  Davidem  regem  toti  populo  praefecit,  et  in  regni  possessionem  misit:  ac  tandem  postquam  populus  propter  morum  corruptionem  in  captivitatem  babylonicam  relegatus  esset,  et  licet  post  annos  septuaginta  in  patriam  redux,  tamen  prorsus  devictus  iaceret,  et  magnis  calamitatibus  concuteretur,  promissum  ante  saecula  liberatorem  Dominum  nostrum  Iesum  Christum  dedit.  Quo  tempore  se  populi  iacentis  non  oblitum,  sed  promissorum  memorem  fuisse,  et  ecclesiae  suo  tempore  liberatorem,  testatus  est.  Hic  igitur  nobis  unus  ex  statibus  ecclesiae  memoria  dignis  spectandus  proponitur,  nimirum  tempus  illud  quod  Iudicum  tempora  excepit,  quando  Deus  pro  sua  misericordia  sui  cultus  in  populo  reformationem  restituit.  Nam  sub  finem  historiae  Iudicum  vidimus  quandam  divini  cultus  interruptionem  fuisse,  quam  administrationem  iudicum  propterea  Paulum  vocare  Dei  praefecturam  certum  est,  quod  his  vel  illis  suscitatis  iudicibus,  Deus  populum  scire  voluit  et  agnoscere,  se  non  plane  destitutum,  ut  in  officio  sic  retineretur.  Verum  tamen  nihilominus  Deus  16