21:242  mys,  priant  sur  ce  luy  fere  responce.  Icelluy  ayant  oyr  resoluz  quil  vuyde  laz  ville  et  tout  son  menage  dans  15  jours  prochaien  ensemble  ses  pedagogues  et  bacheliers  et  les  enfans  dallemagnye  quil  az  en  garde  quil  soyent  retyre  par  cieulx  de  laz  ville,  aussy  quil  soyt  satisfayct  de  ce  que  lon  luy  debvraz  de  ces  gage  de  tout  le  passe  jusque  az  present  pour  les  causes  dessus  proposes.  Lon  az  parle  des  estrangiers  que  ne  veulent  vivre  selon  le  cour  de  laz  ville  ny  prendre  laz  cennaz  comment  en  petit  grand  et  general  conseil  az  este  arreste,  mes  sont  cause  de  mecstre  dissencion  entre  pluseurs.  Resoluz  que  tous  estrangiers  nou  veullyant  vivre  selon  le  cours  ordonnances  et  edist  de  laz  ville  et  que  nont  pryns  laz  cennaz  le  jour  de  noel  passe  comment  le  commung  de  laz  ville  que  dans  10  jours  prochaien  doygent  vuyder  laz  ville  leur  et  leur  menage  et  allez  vivre  allieurs  az  leur  mode.  Davantage  lon  az  propose  que  pluseurs  de  laz  ville  ne  sont  pas  venus  prendre  laz  cennaz  laz  jour  de  Noel  lesqueulx  aussy  ne  vive  pas  selon  larrest  du  petit  grand  et  general  conseil  et  du  synode  de  Lausanne  comment  tous  generalement  avons  arreste  de  vivre:  toutefoys  pour  vivre  fraternellement  par  ensemble  lon  pourraz  adviser  du  mieulx  et  que  tous  cieulx  de  laz  ville  que  ne  lont  pryns  quil  ayent  ung  peu  az  sorty  hors  laz  sale:  ce  que  les  sousnomes  on  fayct  (suivant  16  noms  et  plusieurs  aultres).  Ayant  tout  entendus  az  este  arreste  que  tous  cieulx  de  laz  ville  lesquieulx  nont  pryns  laz  cennaz  le  jour  de  Noel  passe  que  moyennan  que  des  icy  en  laz  quil  promecstent  vivre  selon  les  edist  ordonnances  et  court  de  laz  ville  et  prendre  laz  cennaz  comment  en  petit  grand  et  general  conseil  az  este  arreste,  leur  ayant  premierement  fayct  les  remonstrances  que  pource  que  vivons  des  icy  en  laz  en  bonne  paex  et  fraternite  par  ensemble  que  pour  ceste  foys  leur  soyt  pardonne  et  de  cieulx  que  seront  obstine  que  leur  cas  soyt  remys  en  grand  conseil  pour  il  adviser  que  ce  depvraz  fere  deulx.  Les  susnommes  sont  rentres  dans  le  conseil  et  on  fayct  respectueusement  ung  chascung  deulx  leur  excuses  pourquoy  est  ce  quil  navoyent  pryns  ladite  cennaz  les  ungs  pource  quil  nestoyent  pas  dispos  de  leur  conscience,  les  aultres  pource  quil  dist  ab  commandement  de  dieu  6  jours  tu  travailleras  et  que  lon  avoyt  fayct  le  jour  de  Noel  feste,  les  aultres  pource  quil  disoyent  que  les  predicans  avoyent  dist  que  lon  avoyt  fayct  ung  faulx  seyrement  de  jure  la  confession  et  observe  les  commandement,  et  plusieurs  aultres  excuses.  Toutefois  leur  ayant  fayct  les  remonstrances  on  promys  des  icy  en  la  de  vivre  selon  le  court  de  laz  ville  et  fere  laz  cennaz  comment  le  commung  de  la  ville.  (Beg.  du  Conseil.  T.  32.  fol  253  suw.)  16