20:242  (Ex  autographo  Cod.  Goth.  404,  fol.  109.)  Eximio  Christi  servo  D.  Henrico  Bullingero  Tigurinae  ecclesiae  vere  fido  pastori  patri  mihi  plurimum  colendo.  Tiguri.  Remitto  ad  te,  mi  pater,  fratris  illius  Basiliensis  literas  1)  et  gratiam  tibi  habeo  quod  illas  mecum  communicaris.  Nos  hic,  Dei  gratia,  valemus  et  nostro  more  pergimus.  Coniurati2)  ex  Bernensi  ditione  sese  receperunt  in  agrum  Sabaudicum.  Ex  captivis  duo  sunt  capite  truncatis  qui  ad  mortem  usque  perstiterunt  in  sceleris  confessione,  et  pie  alioqui  mortui  sunt.  Servabit  nos  procul  dubio  Dominus,  quamdiu  gloriae  ipsius  intererit,  hanc  ecclesiam,  quam  praecipue  adoritur  Satan,  salvam  et  integram  manere.  Calvinus  noster  luctatur  quidem  suo  more  cum  morborum  agmine,  sed  nunc  rursus  mihi  videtur  forticulus  factus.  Balduinus  rursum  nos  lacessit,  altera  recens  edita  Cassandri  et  sua  farragine  pro  ecclesiasticis  traditionibus,8)  cui  necessario  respondebimus.4)  Castalioni,  ut  video,  nimium  verus  fui  vates,  quum  dicerem  Dominum  brevi  ipsius  blasphemias  ulturum,  quanquam  nolim  ego  de  mortuo  iudicare.5)  Sed  ex  illis  literis  in  suspicionem  adducor,  sic  ab  illa  schola  meum  libellum  acceptum  fuisse,  ut  si  voluissem  aliqua  infamia  eam  aspergere.  Id  vero  mihi  nunquam  in  mentem,  venit.  Ac  proinde,  si  quando  ad  illum  scribes,  rogo  ut  aliquam  eius  rei  mentionem  facias,  si  modo  ita  faciendum  iudicabis.  O  miserum  illum  senem,  qui  ne  diabolo  quidem  placere  potuit,  quum  sese  ei  venditaret.  Horrendum  sane  Dei  iudicium  quod  utinam  omnes  animadvertant  et  in  eo  proficiant.  .  Genevae  24.  Ianuarii.  Tuus  Beza.  4072.1)  cf.  N.  4069.  2)  ibid.  3)  On  reimprima  les  trois  apologies  de  Baudouin  ave*  l'ouvrage  de  Cassander,  a  Paris  1564.  8.  {Haag  II.  33).  Et  Cassandri  libefi  de  officio  pii  ac  publicae  tranquillitatis  vere  amantis  viri,  et  Balduini  Besponsiones,  eiusque  libellus  Ad  leges  de  famosis  libellis  ete.  saepius  supra  a  nobis  laudati  sunt  4)  Vide  N.  4069  not.  7.  5)  In  Castellione  isti  etiam  vnoxcwoftsyoi  christianismi  sui  indolem  prodiderunt  16