15:242  Christus  ait,  ferri  magis  ante  precesque  quieti  Optandum  est,  hominem  quam  tanta  in  clade  relinqui.4)  Si  vestri  vos  cura  gregis,  si  gratia  fratrum  Altera  commovit,  quos  ille  erroribus  atro  Ore  infecisset,  vel  scriptis  ante  libellis,  Aut  si  venturis  ita  prospexisse  periclis  Est  visum,  et  tanta  excandescere  iustius  ira,  Decepit  studium  certe,  ac  praepostera  cura  Vos  gregis  aetherei.  Non  ista  candidus  arte  Doctrinae  servatur  honos  animaeque  piorum.  Non  Christus  monstravit  iter?  Non  Paulus  eisdem  Passibus  incessit?  Hinc  servi  exempla  videre,  Hinc  Domini  praecepta  licet.  Num  vestra  putanda  Consiliis  meliora  suis?  Num  iura  libebit  Condere  et  hac  sanctis  dominari  in  coetibus  arte?  Correctum  semel  aut  bis  oportuit,  inde  reverti  Si  impatiens  animi  vel  coepta  relinquere  nollet,  Tum  coetu  eiiciendus  erat,  prohibendus  et  usu  Christicolum.  Quidquid  supra  est,  iniuria  (veri  Si  qua  fides)  fertur.  Satanae  dare  corpora  vobis  Fas  erat,  haud  animam  immissis  exstinguere  flammis.  Romanis  haec  digna  feris  et  turpibus  ursis  Saevitia  est,  non  ista  piis,  non  pectora  Christo  Conveniunt:  non  ista  Deus,  non  mollior  usquam  Spiritus  edocuit,  nou  tanti  exempla  furoris  Christus  in  erranteis  mansit  dum  vita  reliquit.  Sed6)  contra  cognovit  ubi  indignantia  quondam  Corda  duum  ultriceis  petitura  ex  aethere  flammas  In  Samaras  victum  pretio  asportare  vetanteis  Protinus  increpuit  iustaque  exarsit  ab  ira,  Ignarosque  vocans  comites  rerumque  suique  Certus  ait:  Vestra  o  quis  pectora  spiritus  urget,  Num  meus  an  Satanae,  tantosque  in  corde  furores  Excitat?  An  nondum  divini  sensa  magistri  Induitis  toties  moniti?  Huc  age  vertite  menteis,  Quosque  sequi  posthac  deceat  vos  discite  mores,  Si  libet  esse  meos  rectisque  incumbere  votis.  Non  ego  perdendis  iam  missus  ab  aethere  veni  Gentibus,  aut  taleis  sumpturus  crimine  poenas  Ultor:  sed  requiem  afflictis  a��grisque  salutem  Affero,  criminibus  veniam  lucemque  tenebris.  Has  meus,  o  comites,  servat  sub  pectore  curas  Spiritus,  auxilio  miseris  opibusque  iuvandis  Aptior,  ingenium  referens  patrisque  Deique,  Illustrat  qui  sole,  plagis  quum  surgit  eois,  Insonteis  Bonteisque  suo,  et  coelestibus  agros  Amborum  foecundat  aquis,  bonus  omnibus  idem.  Quin  etiam  coetu  eiectus  non  hostis  haberi  Debuerat,  Paulo  si  quid  iam  credimus:  aegro  Sed  tanquam  fratri  monitus  adiungere  crebros  Fundereque  inductis  vinumque  oleumque  vicissim  Vulneribus,  palmasque  leyeis,  et  molliter  iras  Addere  Christicoias  decuit  coetumque  magistros.  Nam  patribus  medicina  malis  eiectio  priscis,  Aspra  licet,  non  poena  fuit,  nec  fratribus  aegris  Ut  nunc  perniciem  letaleisque  attulit  iras,  Iam  vero  e  vestro,  ut  fama  est,  eiectio  coetu  Pulsa  abit  et  repetit  coetus  invisa  priores,  Expulsaeque  locum  vel  blanda  licentia  duris  Saeva  magistratus  tenuit  vel  legibus  ira  Corpora,  non  animas,  iusto  oppressura  furore.  4)  Si  tu  fortasse,  benevole  lector,  alioqui  doctissimus  quid  hic  sibi  velit  cum  suis  sesquipedalibus  verbis,  non  assi*  quutus  fueris  y  lege  quaeso  pericopen  evangelicam  Matth.  x?i>\  v.  14  seqq.  5)  Sequentia  ex  Luc.  IX.  51  seqq.  16