10.1:242  videtur  alter  alteri  obstringi.  Utrosque  autem  hortatur  Paulus,  ut  debitam  benevolentiam  reddant,  maritus  uxori,  et  uxor  marito  (1.  Cor.  7,  3).  Quod  ad  coniugii  vinculum  spectat,  insolubile  esse  statuimus,  quamvis  a  thoro  separetur  uxor.  Sequitur  quaestio:  An  elephantiasis,  quae  vulgo  dicitur  lepra,  si  ea  percussus  fuerit  vir,  mulierem  a  lege  concubitus  separet.  Dicunt  genus  illud  hominum  si  prurigine  laborat,  esse  maxime  libidinosum.  Causabitur  ergo  sibi  opus  esse  uxore.  Sed  si  quis  esset  humanitatis  sensus  in  homine  elephantiaco,  primum  uxori  suae  et  liberis  parceret:  deinde  consuleret  generi  humano,  ne  longius  contagio  serperet.  In  eo  iam  deprehenditur,  non  facere  nec  mariti,  nec  patris  officium:  atque  etiam  quodammodo  boni  publici  esse  inimicus.  Praeterea  nisi  bruto  stupore  perculsus  est,  sicuti  aliis  omnibus  est  foetidus,  ita  sponte  propria  modestia  se  ipsum  sepeliret.  Certe  ne  simus  crudeles,  non  audemus  hac  necessitate  mulierem  obstringere,  ut  contubernio  et  thoro  iungatur  viro,  qui  omnes  naturae  leges  obliviscitur:  sed  concedendum  censemus,  ut  cognitione  iudicum  interposita  viduitatem  colat.  Interea  vero  quibuscunque  poterit  officiis,  non  desinat  maritum  prosequi,  modo  ne  quod  fere  prodigiosum  est  ab  ea  exigat.  Valete  optimi  et  integerrimi  fratres.  Dominus  vobis  semper  adsit,  vos  tueatur,  et  spiritu  suo  regat.  Genevae,  4.  Non.  Decemb.  1561.  AD  CONIUGIUM  MINUS  RECTE  INSTITUTUM.  ��)  Etsi  in  tanto  consultantium  numero  non  semper  omnium  votis  obsequi  vacat:  non  sum  tamen  usque  adeo  morosus,  ut  piis  eorum  studiis  offendar.  De  tuis  autem  literis  verissima  fuit  excusatio.  Quum  enim  tumultuarie  et  cursim  tantum  inspectas  iterum  paulo  attentius  legere  in  animo  esset:  quod  rarissime  vel  nunquam  mihi  accidit,  eas  perdidi.  Respondere  vero  temerarium  putavi,  donec  melius  compertum  mihi  foret,  non  modo  quid  quaereres,  sed  quos  tibi  expediri  velles  nodos.  Clandestina  coniugia,  quae  occasionem  praebent,  imo  ianuam  aperiunt  multis  flagitiis,  merito  boni  omnes  improbant.  Atque  utinam  iste  quisquis  est,  aliam  sibi  uxorem  potius  sumpsisset,  quam  consobrinam.  Etsi  enim  tam  lege  Mosis,  quam  communi  gentium  iure  id  semper  licuit:  tenenda  est  Pauli  admonitio,  ne  plus  sibi  permittant  fideles,  quam  expediat  (1.  Cor.  6,  12).  Certe  in  coniugiis  gradus  ille  apud  nos  adhuc  excipitur,  ne  probris  obnoxium  sit  evangelium  Christi.  Dum  vero  isti  nimium  carnis  suae  libidini  indulgent,  scortationis  infamiam  subire  mal  i  Epp,  et  Besponsa  ed.  Genev.  p.  360,  Laus.  p.  417  Hanov.  p.  467,  Chouet  p.  495,  Amst.  p.  226.  16