1:242  [CO  1.  242]  accenso.  Verum  ubi  quis  citra  caritatis  dispendium,  rem  suam  se  posse  tueri  viderit,  cuius  iactura  gravi  bibi  dispendio  futura  sit,  id  si  faciat,  nihil  in  istam  Pauli  sententiam  delinquit.  Denique,  quod  initio  docuimus,  optimum  cuique  consilium  dabit  caritas,  sine  qua  quaecunque  suscipiuntur  et  ultra  quam [p. 500]  quae  progrediuntur,  disceptationes  iniustas  esse  et  impias,  extra  controversiam  ponimus.  Subditorum  erga  suos  magistratus  officium  primum  est,  de  eorum  functione  quam  honorificentissime  sentire,  quam  scilicet,  velut  delegatam  a  Deo  iurisdictionem,  agnoscant,  eosque  ob  id  suspicere  ac  revereri,  ut  Dei  ministros  ac  legatos.  Quosdam  enim  reperias,  qui  suis  se  magistratibus  valde  obsequentes  praebeant,  ac  nolint  quidem  non  esse  quibus  obsequantur,  quod  bono  publico  ita  expedire  norunt;  de  ipsis  tamen  magistratibus  non  secus  existiment,  ac  malis  quibusdam  necessariis.  Verum  plus  quiddam  a  nobis  requirit  Petrus  (1  Petr.  2),  cum  regem  honorari,  et  Solomo  (Prov.  24),  cum  Deum  et  regem  timeri  praecipit.  Ble  enim  sub  honorandi  verbo,  sinceram  ac  candidam  existimationem  complectitur,  hic  regem  cum  Deo  coniungens,  sanctae  cuiusdem  venerationis  ac  dignitatis  plenum  esse  ostendit.  Est  et  illud  praeclarum  apud  Paulum  elogium,  ut  obediamus  non  solum  propter  iram,  sed  propter  conscientiam.  Quo  intelligit,  non  terrore  modo  principum  ac  praefectorum  adduci  subditos  debere,  ut  in  eorum  subiectione  contineantur  (qualiter  succumbere  hosti  armato  solent,  qui  vindictam  fore  promptam  vident,  si  restiterint)  verum  quia  Deo  ipsi [p. 501]  redduntur  obsequia,  quae  istis  praestantur,  quando  eorum  potestas  a  Deo  est.  Ex  eo  et  alterum  deinde  sequitur,  ut  propensis  in  eorum  observationem  animis,  suam  illis  obedientiam  approbent,  sive  edictis  parendum,  sive  tributa  solvenda,  sive  subeunda  publica  munera  atque  onera,  quae  ad  communem  defensionem  spectent,  sive  qua  alia  iussa  capessenda.  Omnis  anima,  inquit  Paulus,  potestatibus  sublimioribus  subdita  sit;  qui  enim  potestati  resistit,  Dei  ordinationi  resistit.  Ad-  [OS  274]  moneto  illos,  scribit  idem  Tito  (Tit.  3)  ut  principalibus  ac  potestatibus  subditi  sint,  ut  magistratibus  pareant,  ut  ad  omne  opus  bonum  sint  parati;  et  Petrus  (1  Petr.  2):  subditi,  inquit,  estote  cuivis  humanae  creaturae,  propter  Dominum;  sive  regi,  tanquam  praecellenti,  sive  praesidibus,  qui  per  eum  mittuntur,  ad  vindictam  quidem  nocentium,  laudem  vero  recte  agentium.  Porro,  quo  non  subiectionem  simulare,  sed  sincere  et  ex  animo  subiectos  se  esse,  testentur,  addit  Paulus  (1  Tim.  2),  ut  eorum,  sub  quibus  vivunt,  salutem  ac  prosperitatem  Deo  commendent.  Adhortor,  inquit,  ut  fiant  deprecationes,  obsecrationes,  interpellationes,  gratiarum  actiones,  pro  omnibus  hominibus:  pro  regibus  et  omnibus  m  eminentia  consti-  16