9:241  241  AD  WESTPHALUM.  242  velim,  de  nihilo  excandescere.  Clamitant  sibi  summopere  displicere,  quod  librum  meum  sub  specie  honoris  Saxonicis  ecclesiis  obtrudere  ausus  fuerim.  Atqui  mihi  ignoscendum  est,  si  homines  esse  putavi,  qui  sua  truculentia  meram  feritatem  spirant.  Quanquam  mihi  in  promptu  est  verior  excusatio.  Neque  enim  Westphali  subscriptoribus  librum  dicare  mihi  decretum  fuit;  neque  id  ullo  verbo  unquam  prae  me  tuli.  Inscriptio  est:  Ad  probos  omnes  Christi  ministros  et  sinceros  Dei  cultorem  qui  puram  Evangelii  doctrinam  in  Saxonicis  ecclesiis  et  Germania  inferiore  colunt  et  sequuntur.  Ex  quorum  numero  se  minime  esse  produnt,  quibus  superbia  ioco  pietatis  est:  quos  ferocitas  omni  humanitate  spoliat:  et  quibus  obstinatio  nihil  moderationis  reliquum  facit.  Confessio  est,  verum  Christi  corpus  substantialiter  edendum  in  coena  [pag.  297J  porrigi.  Nos  quoque  veram  carnis  Christi  κοινωνίαν  de  qua  loquitur  Paulus,  non  minus  luculente  asserimus:  modi  tantum  definitio  quaeritur.  Negant  sibi  curae  esse  Bremenses  quomodo  id  fiat,  quia  simpliciter  credunt  Christi  verbis.  Iterum  excipio,  nos  simpliciter  Christi  verbis  credere,  neque  tamen  ultro  suffocare  lumen  spiritus,  neglecto  interpretationis  dono.  Ita  concidit  speciosa  eorum  excusatio,  dum  se  quatuor  authenticis  testimoniis  constringi  dicunt,  Matthaei,  Marci,  Lucae  et  Pauli.  Neque  enim  fidem  illis  abrogat  nostra  doctrina,  sed  quod  praeposteri  isti  homines  tenebris  involvunt,  fideliter  dextreque  elucidat.  An  vero  firmissime  illi  omnes  et  absque  ulla  interpretatione  asserant  verum  et  naturale  Christi  corpus  esse  panem,  lectio  doceat.  Hoc  eliciunt  Bremenses  ex  contextu.  Ergo  et  nobis  ex  eodem  contextu  elicere  liceat,  aliter  quam  imaginantur,  corpus  et  sanguinem  nobis  in  coena  offerri  |pag.  298].  Quid  in  calice  dari  recitant  Lucas  et  Paulus?  Nempe  testamentum  in  sanguine.  Eadem  quum  sit  corporis  ratio,  sequetur  ex  Christi  verbis  non  aliud  posse  colligi,  nisi  sanciri  sub  pane  nobis  foedus  in  corpore  filii  Dei,  quod  pro  nobis  crucifixum  est.  Edere  iubemur,  quod  pro  nobis  crucifixum  est  corpus.  Nempe  ut  sacrificii  illius,  quo  expiata  sunt  mundi  peccata,  fiamus  participes.  Si  res  coniunctas  esse  excipiunt,  sacrificii  fructum  et  carnis  communicationem,  hoc  ipsum  nunc  urgeo:  quando  eadem  lege  et  iisdem  verbis  corpus  suum  et  foedus  in  corpore  offert  filius  Dei,  alterum  non  recipi  sine  altero.  Quia  dictum  est:  Edite,  hoc  est  corpus  meum,  volunt  Christi  corpus  ab  hominibus  qualescunque  sint,  substantialiter  comedi.  Cur  non  ego  contra,  quoslibet  ex  calice  bibendo  foedus  recipere?  Ita  sequetur,  vere  et  spiritualiter  Christo  communicare  quicunque  ad  mensam  accedunt.  Nodum  hunc  expediant  Bremenses,  nisi  [pag-  299]  strangulari  velint.  Etsi  autem  verum  Christi  corpus  comeditur  in  coena,  non  ideo  Cdlvtni  opera.  Vol.  IX.