7:241  241  DES  LIBERTINS.  242  sions  au  monde.  Ayez  confidence,  Vay  vaincu  ie  monde.  Mais  ceux  qui  sont  en  chair  ne  peuvent  voir  Dieu.  Car  il  est  escrit:  la  chair  et  le  sang  ne  possederont  point  le  Royaume  de  Dieu.  Puis  il  est  dict:  Bienheureux  et  benis  sont  ceux  qui  sont  netz  de  cueur,  car  il#  verront  Dieu.  La  conclusion  est  semblable  a,  tout  le  reste:  c'est  a  dire  un  amas  de  sentences  [page  225]  mal  cousues.  Cependant  le  but  est,  qu'il  ne  faut  plus  que  nous  soyons  en  chair  pour  voir  Dieu.  Par  lequel  mot  il  entend,  que  nous  ne  devons  plus  faire  conscience  de  rien:  mais  estimer  que  nous  sommes  desia  en  paradis,  puis  que  Iesus  Christ  y  est,  lequel  est  en  nous.  Et  pour  confermer  une  telle  bestise,  il  allegue  ce  tesmoignage  de  sainct  Paul,  que  la  chair  et  le  sang  ne  peuvent  posseder  le  Royaume  de  Dieu  (1  Cor.  15,  50):  tout  au  contraire  de  l'intention  de  l'Apostre.  Car  il  est  la  parle  de  la  resurrection  derniere.  Et  ce  belistre  l'ameine  comme  si  c'estoit  desia  une  chose  accomplie.  Mais  il  ne  s'en  faut  esbahir:  veu  que  c'est  le  principal  fondement  de  leur  secte,  comme  i'ay  dict:  que  tout  est  faict,  puis  que  nous  sommes  en  Iesus  Christ:  et  que  nous  n'avons  plus  d'ame  charnelle,  mais  l'Esprit  vivifiant:  et  qu'en  cela  gist  non  seulement  nostre  iustice,  mais  aussi  nostre  resurrection  et  gloire.  Parquoy  chacun  peut  voir  et  quasi  toucher  au  doigt,  combien  i'ay  parle  a  la  verite,  de  ces  bestes  enragees,  sans  leur  [page  226]  rien  imposer  par  calumnie,  pour  les  charger  ou  les  rendre  odieux.  Car  ce  beau  chef  d'oeuvre  de  messire  Antoine  Pocque  rend  tesmoignage,  tant  de  leur  belle  rhetorique  et  facon  de  parler,  que  de  leur  sens  et  intention  ou  ilz  pretendent.  D'autre  coste,  ceux  que  ce  vilain  missatier  voudroit  seduire  de  ses  fariboles,  auront  icy  une  bonne  enseigne,  pour  estre  advisez  de  quel  esprit  il  est.  Et  non  seulement  de  luy  mais  de  tous  ceux  de  la  bende.  Combien  qu'il  est  mestier  que  luy  soit  marque  specialement  entre  les  autres,  apres  son  pere  Quintin.  Car  outre  l'acces  qu'on  luy  donne  a  beaucoup  de  gens,  pour  pouvoir  semer  sa  poison,  et  qu'il  est  bien  diligent  de  trotter  ca  et  la,  pour  troubler  les  povres  ames,  par  tout  ou  il  peut  sans  dangier  servir  au  Diable  son  maistre:  il  se  couvre,  a  ce  que  i'entens  du  nom  de  Vaudois,  pour  avoir  meilleure  entree  envers  les  simples  gens  et  craignans  Dieu,  qui  congnoissent  la  bonte  de  ce  peuple  la.  Ainsi,  puis  qu'il  prent  la  [page  227]  peau  d'une  brebis  pour  faire  office  de  loup,  c'est  a  dire  pour  devorer  et  destruire:  c'est  bien  raison  de  luy  oster  ceste  couverture.  Comme  ie  pense  la  luy  avoir  tellement  ostee  que  chacun  pourra  appercevoir  quelle  beste  c'est.  D'advantage  il  n'est  pas  a  souffrir,  que  ce  meschant  face  cest  opprobre  a  un  peuple  si  chres-  Caivini  opera.  Voi.  VII.