50:241  241  CAPUT  V.  242  rursus  opponit  carni:  hoc  est,  Dei  vocationem  humanae  (ut  loquuntur)  apparentiae.  Ita  larvam  concedit  legis  et  operum  sectatoribus:  rem  vero  ipsam  vendicat  iis,  qui  sola  Dei  vocatione  nituntur  et  pendent  ex  eius  gratia.  Persequebatur.  Atqui  nusquam  mentio  fit  persequutionis:  tantum  dicit  Moses,  Ismaelem  ipsum  fuisse  pTOD,  quo  participio  significat  illusisse  fratri  suo  Isaac.  Nam  quod  ex  Iudaeis  quidam  simplicem  risum  exponunt,  minime  consentaneum  est.  Cuius  enim  saevitiae  fuisset,  risum  innoxium  tam  atrociter  ulcisci?  Non  dubium  igitur  quin  per  contumeliam  loedoriis  infantem  Isaac  lacesseret.  Sed  quantum  id  abest  a  persequutione?  Non  tamen  frustra  nec  temere  Paulus  hoc  amplificat.  Nulla  enim  persequutio  tam  molesta  esse  nobis  debet,  quam  dum  impiorum  ludibriis  videmus  labefactari  nostram  vocationem.  Neque  colaphi,  neque  flagella,  neque  clavi,  neque  spinae  tantum  cruciatus  attulerunt  Christo,  quantum  illa  blasphemia:  Confidit  in  Deo,  quid  illi  prodest,  quum  sit  omni  ope  destitutus?  Nam  plus  veneni  illic  subest  quam  in  cunctis  persequutionibus.  Quanto  enim  plus  est,  irritam  fieri  gratiam  divinae  adoptionis,  quam  caducam  vitam  nobis  eripi?  Non  ergo  persequutus  est  Ismael  fratrem  gladio:  sed  quod  deterius  est,  superbe  adversus  illum  se  efferebat,  promissionem  Dei  pedibus  calcando.  Hic  etiam  fons  est  omnium  persequutionum,  quod  impii  Dei  gratiam  in  electis  et  spernunt  et  oderunt.  Cuius  rei  luculentum  documentum  habemus  in  historia  Cain  et  Habel.  Admonemur  etiam,  non  tantum  horrori  nobis  debere  esse  externas  persequutiones,  quum  ferro  et  igni  nos  trucidant  pietatis  hostes:  quum  ex  illis  carceribus,  tormentis,  aut  flagellis  sunt  infesti:  sed  quum  suis  blasphemiis  irritam  facere  conantur  fiduciam  nostram,  quae  in  Dei  promissionibus  recumbit,  quum  saluti  nostrae  illudunt,  quum  petulanter  totum  evangelium  subsannant.  Nam  nec  quidquam  est  quod  tam  graviter  animos  nostros  vulnerare  debeat,  quam  Dei  contemptus  et  adversus  eius  gratiam  ludibria:  nec  ullum  magis  exitiale  est  persequutionis  genus  quam  quum  impetitur  animae  salus.  Ad  nos,  qui  ex  papae  tyrannide  erepti  sumus,  non  perveniunt  hodie  impiorum  gladii.  Sed  quam  stupidi  sumus,  si  non  afficimur  illa  spirituali  persequutione,  quum  doctrinam  illam  ex  qua  vitam  trahimus,  exstinguere  modis  omnibus  tentant?  quum  suis  blasphemiis  fidem  nostram  impugnant,  multorum  etiam  rudium  concutiunt?  Mihi  certe  plus  moeroris  hodie  affert  Epicureorum  furor  quam  papistarum.  Non  grassantur  vi  et  manu.  Sed  quo  pretiosius  mihi  est  nomen  Dei  propria  vita,  fieri  nequit  quin  magis  anxie  torquear,  quum  diabolicam  conspirationem  fieri  video  ad  exstinguendum  omnem  Dei  timorem  et  cultum,  ad  exterminandam  Christi  memoriam,  Calvini  opera.  Vol.  L.