5:241  DE  FUGIENDIS  IMPIORUM  SACRIS.  bebant  in  animo,  secum  reputabant  rem  esse  non  magni  momenti,  si  in  populi  gratiam  paulum  ineptirent:  qua  tamen  ratione  graves  offensiones  redimere  promptum  esset.  Itaque  impiis  eaeremoniis  promiscue  cum  aliis  defungebantur.  Deinde  quum  ne  sic  quidem  hominum  suspicionem  effugerent,  pedem  adhuc  alterum  progrediebantur:  satis  esse,  si  bonos  viros  fidei  suae  conscios  haberent:  aliorum  opinionem  quavis  arte  falli,  nihil  nocere.  Hic,  si  quid  ab  adversariis  Christi  in  veram  doctrinam  deblateratum  erat,  vultu,  nutu,  totius  corporis  gestu,  voce  denique  assentiebantur.  Quum  neque  hunc  sibi  astum  satis  ex  sententia  succedere  intelligerent,  secreta  ab  omni  hominum  arbitrio  conscientia  contenti  esse  incipiebant:  quod  ut  obtinerent,  diligenter  cavebant,  ne  quam  darent  christiani  pectoris  significationem.  In  hunc  modum  quum  a  recta  officii  [pag.  5J  linea,  quadam  (ut  sibi  videbantur)  temperata  cautione  deflecterent  paulatim,  ac  delaberentur,  tandem  caeci  ac  veluti  sui  obliti,  sese  in  exitium  praecipites  dederunt.  Manifesta  sane  Dei  vindicta:  qua  eos  sensus  sui  vanitate  deiici  aequum  fuit,  qui  praepostera  sua  prudentia  Deum  fallere  et  homines  cogitabant.  Nam  hic  postremus  fabulae  actus  illis  fuit:  non  modo  nullius  aures  atque  oculos,  cordis  sui  testes,  ut  prius  solebant,  admittere:  sed  quantum  in  se  erat,  omni  studio  contendere,  ut  omnes  haberent  earum  rerum  testes,  quae  quam  longissime  ab  homine  christiano  abesse  debent:  et  quod  antea  occultum  saltem  apud  se  retinebant,  aversari  palam  ac  detestari.  Talibus  scilicet  documentis  admoneri  nos  decet,  ut  omissa  nostri  ratione,  solliciti  ambulemus  in  conspectu  Dei  nostri,  quemadmodum  Propheta  (Mich.  b,  8)  loquitur:  ne,  lasciviente  quadam  audacia,  iis  nos  legibus  solvamus,  quibus  nos  Dominus  alligavit:  ac  quod  ille  astringit,  relaxemus:  tum  vero  etiam  terreri,  ne  si  sapientes  simus  apud  nos  ipsos,  comprehendat  ille  sapientes  in  astutia  sua,  et  prudentium  consilia  subvertat  (Iob.  5,  13;  1  Cor.  3,  19).  Sed  est  illud  scilicet,  quod  principio  sum  questus,  verius  quam  vellem,  bonam  hominum  partem  nihil  hic  liquide  perspicere,  nihil  recte  iudicare,  nihil  sincere  statuere  posse:  quod  dum  ab  integra  puraque  divinae  legis  observatione  videt  imminere  pericula,  eorum  metu  perplexa  et  consternata  circumspectat,  quomodo  cum  Dei  venia  retinere  possit  hominum  gratiam.  Qua  in  consultatione  nihil  nisi  ex  sua  anxietate  caecaque  perturbatione  consulit:  perverse  omnino  quidem  utrumque,  et  praepostere.  Nam  et  quod  Dei  voce  decretum  semel  sancitumque  est,  deliberationi  nostrae  nefas  est  subiici:  neque  rursum  quidquam  bonae  spei  reliquum  sibi  facit,  qui  de  tanti  momenti  rebus,  timiditatem  pusillanimitatemque  suam  in  consilium  mittit:  ex  quo  affectu  turpes  semper  (ut  ille  inquit)  filii  nascuntur.  Itaque  et  hanc  deliberandi  perversitatem  simile  consilium  sequitur.  Siquidem  Calvini  opera.  Vol  V.