29:241  241  HOMILIA  PRIMA.  CAP.  L  1.  Erat  autem  vir  quidam  e  duplici  Bama  T20-  phaeorum  in  monte  Ephraiimi:  cuius  nomen  Elcana  filius  Ierochami,  filii  Elihu,  filii  Tochu,  filii  Tzuphi,  Euphrataeus.  2.  Et  erant  ei  duae  uxores,  nomen  unius  Anna,  nomen  vero  alterius  Peninna  :  erantque  Peninnae  nati  :  Annae  vero  non  erant  nati.  3.  Ascendebat  autem  vir  ille  e  civitate  sua  de  anno  in  annum,  ad  incurvandum  se  et  ad  sacrificandum  Iehovae  exercituum,  Schiluntem:  ubi  duo  filii  Heli,  Cophni  et  Phineas,  sacerdotio  fungebantur  Iehovae.  4.  Eratque  quo  die  sacrificabat  Elcana:  ut  daret  Peninnae  uxori  suae,  et  omnibus  filiis  eius  ac  filiabus  eius  partes.  5.  Annae  vero  daret  partem  unam  tristis  valde:  eo  quod  Annam  diligeret,  et  Iehova  ocdusisset  vulvam  eius.  In  caeteris  omnibus  ex  quibus  maximam  utilitatem  percipere  possumus,  istud  ultimo  loco  non  est  habendum,  si  Deum  singulis  aetatibus  suam  ecclesiam  rexisse  et  gubernasse  cognoscamus.  Nisi  enim  mentibus  nostris  infixum  haeserit,  eum  nostri  curam  gerere,  nosque  suo  imperio  regere,  perpetua  nos  animorum  fluctuatione  turbatum  iri,  atque  miserrimam  omnium  nostrum  fore  conditionem  certum  est.  Equidem  divinam  providentiam  in  universum  genus  humanum  ferri  libens  agnosco,  adeo  quidem  ut  ipsas  animantes  quatenus  ab  ipso  creatae  sunt  pertingat,  suamque  beneficentiam  in  quotidiano  illarum  pastu  exserat:  sed  eam  nihilominus  speciali  quadam  ratione  erga  suam  ecclesiam,  quae  Dei  domus  est,  conspicuam  esse  dico.  Quare  ex  ea  speciali  qua  nos  intuetur  cura  nostris  animis  istud  est  infigendum,  non  tantum  creatoris  illum  officium  erga  nos,  ut  manuum  suarum  opus  facere,  sed  patris  erga  filios  amorem  quibuslibet  testari:  ac  proinde  in  angustiis  et  difficultatibus  nobis  ad  illum  esse  confugiendum.  Necessaria  sane  doctrina,  et  quae  plurimum  ad  nostram  eruditionem  facit,  si  probe  noverimus  Deum  ab  omni  aevo  suam  ecclesiam  velut  extento  brachio  tutatum.  Ac  licet  peccatis  hominum  provocatus  nonnumquam  velut  faciem  occul-  Cdlvini  opera.  Vol.  XXIX.