27:241  241  SUR  LE  DEUTER.  CHAP.  XIII.  242  approuvent  qu'ils  sont  vrais  prophetes.  Mais  cependant,  il  se  fera  bien  aussi  qu'en  particulier  Dieu  permettra  qu'un  seducteur  predira  une  chose  a  venir.  Et  ce  n'est  point  pour  falsifier  ceste  reigle  generale.  Et  pourquoy?  Gar  quand  nostre  Seigneur  annoncera  les  choses  a  venir,  ce  sera  conformant  tout  a  sa  Loy:  et  les  faux-prophetes  que  diront-ils?  En  abusant  le  peuple,  et  en  se  destournant  de  Dieu  ils  promettront  que  tout  ira  bien.  Or  au  contraire  tousiours  les  serviteurs  de  Dieu  conioindront  la  foy,  et  la  repentance  avec  leur  admonition:  et  il  y  aura  la  une  doctrine  qui  a  bon  fondement  pour  bastir:  ceux  ici  ne  parlent  qu'en  Pair.  Or  nous  voyons  comme  le  monde  demande  d'estre  abuse,  comme  il  est  dit  au  Prophete  Michee,  que  les  incredules  ne  demandent  sinon  ceux  qui  leur  apportent  de  bonnes  nouvelles  de  vendange,  et  de  moisson:  car  il  parle  notamment  ainsi:  Quand  on  leur  dira:  Vous  serez  grassement  nourris,  et  Dieu  nous  favorise,  et  ne  vous  chaille,  grand  chere:  voila  ce  que  lo  monde  demande.  Or  Dieu  permettra  bien  aux  seducteurs  de  dire  verite  par  fois  :  mais  c'est  en  un  cas  particulier:  et  puis  ils  bastissent  sans  fondement.  Cela  donc  n'empesche  point  que  ceste  reigle  ne  soit  tousiours  vraye:  c'est  que  quand  les  Prophetes  de  Dieu  predisent  les  choses  a  venir,  que  c'est  une  approbation  pour  ratiffier  la  doctrine,  et  qu'on  cognoisse  alors  par  qui  ils  sont  envoyez.  Car  de  faict,  combien  que  de  prime  face  on  appercoive  quelque  verite  aux  faux-prophetes:  neantmoins  il  n'y  a  point  de  tenure.  Voila  pour  un  item.  Et  puis  le  tout  est,  que  l'issue  en  la  fin  monstre  tout  le  contraire  de  ce  qu'on  avoit  cuide  :  car  il  ne  faudra  que  tourner  la  main,  que  tout  ira  au  rebours,  et  que  les  incredules  sentiront  que  c'a  este  pour  leur  esblouyr  les  yeux,  et  les  rendre  tant  plus  stupides  :  quand  ils  ont  eu  quelque  signe  de  verite,  que  ce  n'a  este  qu'un  appast  pour  les  abuser,  et  que  cependant  ils  n'ont  point  laisse  de  tousiours  couver  l'ire  et  la  vengeance  de  Dieu.  Retenons  bien  donc  quand  il  est  dit  en  ce  passage,  que  le  prophete  pourra  dire  quelque  chose  qui  sera  advenue  puis  apres,  et  neantmoins  pour  cela  il  n'a  point  droit  tesmoignage  pour  estre  recogneu  serviteur  de  Dieu.  La  raison?  c'est  qu'il  n'y  a  point  de  fondement  en  sa  doctrine,  comme  nous  avons  dit.  Et  pour  le  second,  que  ce  n'est  sinon  comme  un  appast,  que  cela  est  particulier,  et  n'y  a  point  de  tenure:  et  quand  Dieu  permet  que  Satan  se  transfigure  en  Ange  de  clarte,  cela  est  pour  endurcir  les  incredules,  selon  qu'ils  en  sont  dignes:  d'autant  qu'ils  ne  se  veulent  point  convertir,  il  faut  que  les  tenebres  soyent  encores  plus  espesses  pour  eux,  et  que  le  diable  ait  toute  efficace  d'erreur,  comme  S.  Paul  en  parle  aux  Thessaloniciens  en  la  seconde:  que  non  seulement  Dieu  luy  donne  conge  de  tromper,  comme  Calvini  opera.  Vol  XXVII.