15:241  241  1554  SEPTEMB.  Heu  quibus  haec  odiis  moliri  incendia,  siccis  Ipsi  oculis  spectare  hominis  luctumque  necemque?  Proh  pudor!  aeternis  factum  o  memorabile  saeclisi  Quo  pietas  deserta  abiit,  coelestibus  una  Digna  animis,  atque  una  unis  optanda  renatis?  Nunc  age  vobiscum  effari  atque  exquirere  causas  Iam  liceat  facti,  iustasque  audire  querelas.  Nulla  tamen  vos  suspicio,  nulla  excitet  ira,  Neve  manus  pudeat  tanto  dare  crimine  victas.  Nos  etiam  natique  Dei  Christique  clientes  Hic  sumus,  et  nostram  fecere  pericula  certam  Multa  fidem,  Ausoniaque  ideo  decessimus  ora,3)  Amplexi  exsilium,  ignotisque  habitamus  in  arvis,  Paupertas  quibus  una  comes,  quibus  aspera  cultu  Est  facies,  quibus  haud  certis  dant  facta  diebus  Yerba,  sed  as&idui  fessis  alimenta  labores.  Ipsi  evangelium,  si  quando  contigit  usquam,  Haud  pretio  inducti  pactisque  ad  commoda  rebus  .Attulimus,  vitae  sed  per  discrimina  nota,  Ingressi  quo  numen  agit,  quo  blanda  volentes  Spes  vocat,  adversos  magna  vi  stravimus  hostes,  Et  quos  fata  dabant,  quos  spiritus  intus  agebat,  Iunximus  ereptos  Satanae  nova  pectora  Christo.  In  facinus  quae  causa  trahit,  precor,  edite  vates,  Chrieticolumque  duces!  Servetumne  impius  error  Ille  suus  meritum  flammis  ultricibus  aufert?  An  vestras  acuit  curas  metus  impiger,  error  Ne  late  serpens  specioso  nomine  fratres  E  medio  incautos  raperet  sanctisque  pararet  Coetibus  invidiam  turbamque  moramque  necemque?  Inter  Christicoias  habuit  si  nomen  et  usus  Scrvantemque  nefas  stygiumque  in  corde  venenum  Is  numero  iam  frater  erat,  non  carcere  caeco  Includi  dirisque  peti,  non  ignibus  uri  Debuerat:  sed  si  quis  amor,  si  viscera  Christi,  Si  qua  fuit  mens  aetherei  sensusque  parentis,  Tum  lacrymis  late  fratrum  luctuque  dolentum  Excipiendas  erat,  nocteisque  diesque  vacandum  Tum  precibus,  Christoque  Deusque  in  vota  vocandus,  Quo  miser  errorem  ex  animis  virusque  malignum  Evomeret,  mentique  suae  optataeque  saluti  Eedditus  afferret  moerenti  gaudia  coetu.  Ceu  quem  tartareus  subito  nil  tale  putantem.  Spiritus  abripuit  miserumque  huc  versat  et  illuc,  Aut  si  quem  morbosa  lues  aegrumque  fatigat  Febris  agens,  mentemque  adimit  sensumque  veterno,  Is  magnae  pietatis  egens  morboque  levari  Debuit,  ac  reddi  eiecto  sibi  corde  furore,  Sic  decuit  vates,  imitantia  pectora  Christum,  Officiis  certare  piis  nullumque  sopori  Nocte  dieque  locum,  nullumque  relinquere  mensis.  Sic  vestrae  fidei  ratio,  sic  fratris  habenda  Cura  fuit,  Satanas  quem  abduxerat  invidus  astu.  His  studiis  opus  est  ubi  tale  quid  accidit  ulli  Nostratum,  rudibus  quae  iussit  patribus  olim  Christus,  apostolicisque  viris,  quibus  una  parenti  Cara  suo  proles  larvis  terrentibus  acta  Spiritibusque  malis,  quum  non  oblata  iuvari  rUorniu  auxiliis  tantisque  emergere  turbis  Posset,  inops  tandem  tristi  cum  patre  reiecta  est.  Tum  bonus  increpitans,  o  vo3  ieiunia  mensis,  3)  Autor  Italum  se  profitetur.  Calvini  opera.  Vol  XV.