9:240  et  irrefutabilia  esse,  quae  ad  stabiliendum  suum  errorem  obtendunt;  in  quo  ut  secure  acquiescant,  facit  eorum  stupor:  tuto  certe  nequeunt.  Nam  quod  obiiciunt  figuram  corporis  non  fuisse  traditam,  nec  signum  sanguinis  fuisse  effusum,  hinc  clarius  perspicere  licet,  quam  audacter  isti  paterculi  cum  umbra  sua  digladientur.  Quorsum  enim  tendit  quae  a  nobis  ponitur  metonymia,  nisi  ut  panis  sacramentali  modo  verum  sit  Christi  corpus  pro  nobis  crucifixum?  Atque  ita  sub  externo  symbolo  nobis  vere  communicetur?  Nec  physicis  modo  argumentis  nitimur,  sed  quod  scriptura  de  carne  Christi  aperte  docet,  volumus  firmum  et  inviolabile  stare:  sicuti  paulo  ante  admonui  non  affingere  nos  Christi  verbis  alienum  sensum  sed  quem  exigunt  similes  loci.  Pulchre  se-  expediunt  [pag.  294]  Bremenses,  quia  scriptum  ost:  Frustra  mo  colunt  mandatis  hominum  (Matth.  15,  9),  cunctis  rationibus  clausam  esse  ianuam.  Quam  vero  intempestive  plausibili  illo  dicto  se  arment,  humanae  rationi  semper  Dei  verbum  opponi  debere,  iam  saepius  me  palam  fecisse  existimo.  Sicuti  enim  clausis  oculis  libenter  sequimur  quocunque  voce  sua  nos  Deus  vocat;  ita  nolumus  bruto  stupore  miscere  nos  immundis  animalibus  quae  ungulam  non  findunt.  Ne  haec  memorabilis  epistola  iusto  pondere  careret,  nomen  suum  apponit  Christianus  Haveman.  Accedit  alter  subscriptor  Ioannes  T.  A.  qui  unus  sua  celebritate  personas  omnes  sustinet.  Haec  enim  verba  sunt:  Propter  opportunitatem  fidelium  Christi  membrorum,  quae  erant  ad  vos  obiter  abitura,  non  potuimus  habere  omnium  piorum  fratrum  suis  manibus  descripta  testimonia:  aliqui  enim  civitate  aberant,  aliqui  aedibus:  interim  ut  [pag.  295]  in  ore  duorum  testium  veritas  sit  rata,  testor,  ete.  Iam  vero  praetextu  verborum  Christi  tam  fastuose  cristas  erigere  nihil  miror  qui  primis  nominum  literis  orbem  terrarum  ad  credendum  obstringunt.  Idem  tamen  alibi  l)  non  tantum  in  exprimendo  nomine  liberalior  est,  sed  etiam  in  frigida  et  insulsa  additione  facetus  vult  haberi  scurra:  Ego  Ioannes  Timannus  Amsterodamus  pastor  ecclesiae  Bremensis  in  ecclesia  Martiniana,  sive,  si  sacramentariis  placet,  in  ecclesia  sancti  Martini  episcopi  Turonensis.  Hoc  gravitatis  specimen  ad  conciliandum  homini  fidem  scilicet  valebit.  Tot  ineptiarum  pertaesus,  iam  ad  alios  transirem,  nisi  me  paulisper  adhuc  teneret  alia  eorum  confessio,  quam  sibi  summa  necessitate  expressam  fuisse  dicunt  ob  nugas  meas  sibi  dedicatas.  Quia  autem  non  Bremenses  modo,  sed  reliquos  eiusdem  factionis  officium  a  me  exhibitum  [pag.  296]  adeo  stomachose  respuere  video,  breviter  admonitos  esse  l  i  Scil.  in  subscriptione  Confessionis.