8:240  240  3:  Iustitia  Dei  in  omnes  et  super  omnes  qui  credunt.  Et  Cap.  10  :  Idem  Dominus  omnium  dives  in  omnes  qui  invocant  eum.  Et:  Non  est  acceptio  personarum  apud  Deum.  Et  Cap.  ll  :  Conclusit  Deus  omnia  sub  peccato  ut  omnium  misereatur.  Et  1  Tim.  2  :  Qui  vult  omnes  homines  salvos  fieri  et  ad  agnitionem  veritatis  venire.  Et  2  Pet.  3:  Patienter  agit  propter  vos,  nolens  aliquos  perire,  sed  omnes  ad  poenitentiam  reverti.  Huiusmodi  sententiis  sic  inhaerent  plerique  non  adeo  mali  viri,  ut  interea  causam  praedestinationis  divinae  puris  fidei  oculis  intueri  nequeant,  de  qua  non  frustra  monuerunt  quidam,  ob  id  cautius  esse  atque  circumspecti  us  dicendum,  quod  sit  illa  non  lac  infantium  sed  cibus  adultorum.  Et  hic  Hieronymus  satis  declarat  esse  se  ex  imbecillioribus,  dum  se  in  arcanum  consilium  Dei  ingressurum  negat.  Admonemus  ista  non  eam  ob  causam,  quod  aliena  sint  a  vestra  ipsorum  conscientia,  sed  quoniam  sententiam  nostram  requirere  voluistis,  ut  tanquam  fideles  in  domo  Dei  afferamus  in  medium  quod  potissimum  ad  pacem  et  aedificationem  ecclesiae  vestrae,  deinde  et  ad  Hieronymi  illius  mentem  ad  spiritum  consensionis  inducendam  facere  posse  iudicamus.  Est  nobis  ille  prorsus  ignotus,  sunt  tamen,  qui  praedicant  eum  non  esse  virum  adeo  malum.  Optaremus  et  vobis  et  illi  ut  per  spiritum  Christi  vera  et  sententiarum  et  affectuum  consensione  coniungeremini.  Videtur  in  illius  responsis,  quae  misistis,  haud  adeo  exigui  esse  momenti  quod  primum  tribuit  Deo  electionem  ex  hominibus,  deinde  eorum  quos  voluit,  tertio  in  Christo,  quarto  nullius  nostri  boni  sed  merae  gratiae  suae  respectu.  Praeterea  opus  esse  speciali  gratia  et  attractione  ad  credendum.  Et  Deum  per  Christum  reformare  mentes  hominum,  et  dare  corda  carnea,  amareque  nos  ac  fidem  dare,  priusquam  a  nobis  ametur,  idque  ex  paterna  misericordia.  Per  haec  veluti  principia,  si  abesset  studium  contendendi,  facilis  esset  ad  ulteriora  transitus.  Sed  orandus  est  Dominus,  qui  solus  aperit  mentes  mortalium,  ut  et  vobis  animum  det  lucrifaciendis  errantibus  indesinenter  deditum,  et  illius  mentem  ad  id  instituti  reddat  accommodam,  quo  uno  corde  et  spiritu  gloriam  gratiae  ipsius  ad  multorum  aedificationem  depraedicetis.  Quae  scripsimus  boni  consulite,  Domini  ac  fratres  colendi.  Commendamus  nos  et  ecclesias  nostras  caritatis  vestrae  precibus.  Datae  Bernae  7  Decemb.  *)  anno  Domini  1551.  Ministri  verbi  et  professores  ecclesiae  Bernensis  in  fide  ac  veritate  Christi  consortes.  Clarissimo  ac  prudentissimo  Gebennensis  1)  Exemplar  Musculi  Bernense  habet:  4  Dec.  et  addit  in  margine:  Gebennam  missae  sunt  hae  literae  1551.  7  Decemb.  Germanicum  exemplar  refert  5  Dec.