49:240  monstrari  quis  sit  legitimus  donorum  Dei  usus.  Per  [AETa&Souvxac,  de  quibus  hic  loquitur,  non  eos  intelligit  qui  largiuntur  de  suo:  sed  diaconos  qui  publicis  ecclesiae  facultatibus  dispensandis  praesunt.  Per  eXsoOvTac  autem,  viduas  et  alios  ministros  qui  curandis  aegrotis,  secundum  veteris  ecclesiae  morem,  praeficiebantur.  Sunt  enim  functiones  duae  diversae,  erogare1)  pauperibus  necessaria,  et2)  suam  illis  tractandis  operam  impendere.  Caeterum  prioribus  assignat  simplicitatem,  qua  sine  fraude  aut  personarum  acceptione  fideliter  sibi  commissa  administrent:  ab  his  obsequia  vult  exhiberi  cum  hilaritate,  ne  morositate  sua  (quod  evenire  plerumque  solet)  gratiam  officiis  detrahant.  Ut  enim  aegrum  vel  alio  quovis  modo  afflictum  nihil  magis  solatur  quam  ubi  videt  alacres  ac  promptos  ad  opem  sibi  ferendam  animos:  ita,  si  tristitiam  cernat  in  eorum  vultu  a  quibus  iuvatur,  id  in  contumeliam  suam  accipiet.  iipoiaxa-  |xevouc  tametsi  proprie  nuncupat  eos,  quibus  mandata  erat  ecclesiae  gubernatio  (erant  autem  illi  seniores,  qui  aliis  praeibant  ac  moderabantur,  vitaeque  censuram  exercebant),  quod  tamen  de  illis  dicit,  extendi  in  universum  ad  praefecturas  omne  genus  potest.  Neque  enim  aut  parva  ab  iis  sollicitudo  requiritur,  qui  omnium  securitati  consulere,  aut  parva  sedulitas  ab  iis,  qui  pro  salute  omnium  noctes  diesque  excubare  debent.  Quamquam  temporis  illius  conditio  non  de  quibuslibet  praefectis  Paulum  loqui  ostendit,  quia  tunc  nulli  erant  pii  magistratus:  sed  de  senioribus,  qui  morum  erant  censores.  9.  Dilectio  sit  non  simulata:  sitis  adversantes  malum,  adhaerentes  bono.  10.  Fraterna  caritate  ad  vos  mutuo  amandos  propensi,  alii  alios  honore  praevenientes,  ll.  studio  non  pigri,  spiritu  ferventes,  tempori  servientes,  12.  spe  gaudentes,  in  tribulatione  patientes,  in  oratione  perseverantes,  13.  necessitatibus  sanctorum  communicantes^  hospitalitatem  sectantes.  9.  Dilectio  sit,  ete.  Nunc  de  particularibus  officiis  concionaturus,  a  caritate,  quae  est  vinculum  perfectionis,  opportune  auspicatur.  De  ea  vero,  quod  plurimum  necesse  erat,  praecipit,  ut  abstersis  fucis  omnibus  ex  pura  animi  sinceritate  oriatur.  Est  enim  dictu  difficile  quam  sint  ingeniosi  omnes  fere  homines  ad  fingendam  quam  vere  non  habent  caritatem.  Neque  enim  aliis  modo  mentiuntur,  sed  sibimet  quoque  imponunt,  dum  sibi  persuadent,  non  male  abs  se  amari  quos  non  modo  negligunt,  sed  re  ipsa  abiiciunt.  Itaque  Paulus  non  aliam  esse  caritatem  hic  pronuntiat  quam  quae  sit  omni  simulatione  vacua:  sibi  vero  facile  quilibet  testis  esse  potest,  an  nihil  habeat  in  recessu  cordis  quod  cari-  *)  comparare  2)  tractare,  illisque