27:240  c'est  pour  declairer  que  Dieu  ne  trompe  point  ses  serviteurs:  comme  les  idoles  ont  eu  ceste  coustume,  c'est  a  dire,  les  diables,  sous  le  tiltre  et  ombre  des  idoles,  ont  abuse  les  povres  ignorans  qui  se  sont  fiez  en  eux.  Car  ils  leur  ont  predit  mensonge.  Ils  s'y  sont  attendus,  et  s'en  sont  trouve  frustrez.  Et  voila  pourquoy  il  est  dit  par  le  Prophete  Isaie,  que  les  dieux  des  Payens  ne  peuvent  ne  bien  ne  mal.  Or  nostre  Seigneur  se  separe  la  d'avec  tous  les  dieux  qu'on  avoit  forge  a  l'appettit  des  hommes,  et  monstre  :  C'est  a  moy  de  vous  declairer  ce  qui  adviendra.  Et  pourquoy?  Ie  dispose  de  toutes  choses:  i'ay  le  monde  en  ma  main:  ainsi,  ie  puis  bien  dire  ce  qui  se  fera.  Hais  les  idoles  n'ont  nulle  vertu  :  et  comment  donc  pourront-ils  rien  declairer  a  ceux  qui  les  servent,  et  les  adorent?  Cela  donc  est  vray  en  general.  Or  suyvant  cela  aussi  le  Prophete  Ieremie  au  28.  chapitre  parlant  a  Ananias,  conferme  le  propos  de  Moyse  que  nous  verrons  au  18.  chap.  :  Ie  voudroye  (dit-il)  que  ce  que  tu  as  predit  advinst.  Car  ce  menteur-la  nourrissoit  le  peuple  en  vaine  esperance.  Quand  Ieremie  leur  disoit:  Vous  avez  par  trop  offense  Dieu,  et  estes  demeurez  obstinez  iusques  ici:  ie  vous  ay  tant  de  fois  adverti  de  venir  a  repentance,  vous  ne  m'avez  point  voulu  escouter.  Ainsi  nous  sommes  venus  iusques  a  l'extremite.  Ne  pensez  plus  que  Dieu  vous  pardonne:  mais  apprestez-vous  a  porter  le  .ioug  et  le  fardeau  :  car  il  faut  que  vous  soyez  transportez  en  Babylone,  il  faut  que  vostre  condition  soit  miserable:  d'autant  que  vous  avez  delaisse  vostre  Dieu,  il  vous  a  mis  en  proye  a  vos  ennemis:  il  ne  reste  plus  donc  sinon  de  vous  disposer  a  patience,  afin  que  ceste  affliction  ici  vous  dompte,  et  que  vostre  Dieu  vous  soit  pitoyable  au  bout  du  terme  qu'il  vous  a  assigne.  Or  Ananias  venoit  a  l'opposite:  Non,  ne  craignez  point  qu'il  en  advienne  ainsi:  et  va  mettre  un  ioug  sur  son  col,  se  mocquant  de  Ieremie  qui  avoit  porte  des  liens,  et  des  cordages  dessus  son  col.  Voici  (dit-il)ie  vay  rompre  ce  que  Ieremie  vous  a  monstre  pour  signe  que  vous  devez  estre  captifs  en  Babylone.  Et  bien  (dit  le  Prophete)  pleust  a  Dieu  qu'ainsi  fust,  ie  ne  desire  point  le  mal  de  mon  peuple:  mais  il  ne  faut  point  aussi  que  tu  Pabuses  en  vaine  esperance  comme  tu  fais.  Et  au  reste,  tu  trouveras  si  ainsi  sera  ou  non:  et  l'experience  monstrera  si  tu  as  este  vray  prophete:  car  quiconque  aura  annonce  une  chose,  si  elle  advient,  on  peut  voir  qu'il  a  este  envoye  de  Dieu,  et  que  Dieu  a  parle  par  sa  bouche:  si  elle  n'advient  point,  on  voit  qu'il  n'y  a  eu  que  mensonge.  Ieremie  regarde  la  a  ce  passage  que  nous  verrons  ci  apres.  Voila  donc  une  reigle  generale  que  nous  devons  tenir,  c'est  qu'il  appartient  a  Dieu  seul  de  predire  les  choses  qui  adviennent:  et  que  ceux  qui  en  parlent  en  verite,  par  ceste  marque  monstrent,  et