20:240  ubi  fortassis  argumenti  necessitas  postulabit  ut  ipsorum  imposturae  scripto  aliquo  gravi  detegantur.  Quoad  vero  verborum  comminationes,  norunt  omnes  boni  quis  Beza,  quis  item  Balduinus  sit.  De  aliis  non  est  quod  solliciti  simus,  qui  animos  suos  adversus  veritatis  doctrinam  iam  pridem  obfirmarunt.  Fruantur  illi  suorum  propugnatorum  maledicentia  et  conviciis.  Nos  pergamus  Domini  negotium  agere  qui  ecclesiam  suam  invitis  omnibus  illis  adversus  ipsas  quoque  inferorum  portas  tuebitur.  Castellio,  ne  coram  senatu  Basiliensi  causam  diceret,4)  ad  Rhadamantum  provocavit,  quamvis  nihil  periculi  erat  apud  eos  quorum  oculos  hypocrisi  sua  adeo  perstrinxit,  ut  ne  nunc  quidem  illius  improbitatem  agnoscere  velint.  Aiunt  Polonos  nobiles  qui  illic  sunt  ei  monumentum  sumptuosum  et  magnificum  parare.6)  Etiam  epicedium,  vel  epitaphium  potius,  poetastro  quodam  autore  ex  Oporini  officina  prodiit,6)  quo  mirifice  commendatur  et  eiusdem  adversarii  non  obscure  punguntur.  De  vobis  et  inprimis  D.  Calvino  corvus  ille  sepulcralis  sic  crocitat  inter  alia:  Tandem  cuiusdam  quoniam  mala  structa  timebat,  Cum  quo  relligio  non  erat  una  sibi,  Suspectos  liquit  fines  et  limen  avarum  Teutonicaeque  venit  pauper  in  arva  plagae.  et  caetera.  Scio  elephantos  et  leones  muscae  morsum  non  magni  facere.  Doleo  tamen  culicum  eiusmodi  examina  inter  eos  foveri,  qui  nobis  propter  patriae  et  religionis  foedera  coniunctissimi  esse  debebant.  Rectius  fortassis  sapient  ubi  non  sine  aliquo  periculo  intellexerint  quantum  ipsis  infamiae  apud  exteros  isti  homines  pariant.  Haec  modo  ad  te  dare  libuit,  observande  in  Christo  frater,  inprimis  eam  ob  causam  ut  intelligeres  quam  egregie  apud  nos  quoque  impositam  sibi,  aut  potius  sponte  susceptam,  personam  Balduinus  egerit.  In  Germania  motus  timentur  graves,  et  quid  nostri  vicini  in  animo  habeant  ignoratur.  G-lareanorum  causa  hactenus  suspensa  serio  iam  agi  incipit,  7)  quae  nisi  finem  sortiatur  felicem  turbas  dabit.  Nostri  omnes  valent  et  te  salvere  iubent.  Vale,  mi  observande  frater,  cum  toto  symmystarum  et  fratrum  coetu.  Tiguri.  4)  Imo  ��\  N.  4046.  5)  Epitaphium  describit  Mahly  ��.  80.  6)  Cf.  N.  4079.  7)  Postridie  Nonas  lan.  Badenae  hoc  negotium  tractari  coepit.  Hinc  nostram  eodem  Ulo  tempore  scriptam  colligimus.