15:240  Placatam  que  hominum  generi  coelumque  Deumque?  Heu  quibus  errantem  didicisti  legibus  orco  Mittere,  et  infensis  incendi  corpora  flammis  Ohristicolum  doctumque  virum,  ex  animoque  fatentum  Ius:  ificamque  fidem  certamque  cruore  salutem,  Non  tauri,  ut  quondam,  fuso  male  olentis  et  hirci,  Sed  puri,  aeternum  omnipotens  quem  destinat,  agni,  Non  sincera,  ut  nunc,  Cerere  allutoque  Lyaeo?  Quin  etiam  sobolemque  Dei  natura  parenti  Quam  iungat  divina  suo,  quam  distrahat  ullti  Proprietas,  Christum  si  quis  se  credere  dicat,  Atque  ea  certa  animo  iam  nuno  sententia  constet,  Includi  caecis  invisum  carceris  umbris  Moerentem,  Calvine,  sinas,  gemitusque  cientem,  Et  tandem  exustum  mediis  occumbere  flammis?  Horrendum  facinus  nulloque  p.abile  saeclo!  Quis  Deus  hano  noxam  ferat  atque  impune  relictam  Esse  velit?  Tanton*  foedari  crimine  coelum?  Nil  iuvat  excusis  defendere  caeca  libellis  Consilia,  et  diram  Satanae  referentia  mentem.  Ten'  gregis  aetherei  Christique  Deique  ministrum  In  genus  humanum  placatas  numinis  iras  Iampridem,  ac  meritas  nostris  ab  origine  culpis  Saepe  cruces,  stygiis  nos  raptos  saepe  docentem  Ignibus,  aeternosque  Dei  cessisse  furores,  Tum  Christi  auspiciis  redeuntia  saecula  pulchris  Aurea  securas  et  agentes  otia  terras  .  Chriaticolis  mandare  nefas,  animosque  piorum  Hortari  in  facinus  saevisque  accendere  dictis  Fratris  in  exitium?  Qui  te  divina  canentem  Audierit2)  tum  fata  libens,  medioque  precantem  Christicolum  in  coetu,  laeto  iam  corde  sequutus  Communemque  Deum  Christumque  int  vota  vocarit?  Non  ille  insidias  capiti  fratrumque  tuoque  Impius  observans  tempusque  locumque  parabat:  Non  ille  impediit  si  quae  diversa  canebas  In  vulgus,  coetumque  Dei  non  concitus  ira  Consessum  increpuit  magnis  clamoribus  implens.  Sed  quaecunque  tibi  libitum  cecinisse  quietis  Excipiens  animis,  secumque  in  corde  volutans,  Hospitium  tacitus  templis  repetebat  ab  altis.  Cognitus  indicio  quorundam  forte  piorum,  Quos  olim  medica  (fama  est)  adiuverat  arte,  Consilio  studiisque  tuis  in  claustra  nocentium  Captus  inops  subito  caecis  includitur  umbris.  Hic  curis  sese  rapidis  luctuque  fatigat  Multa  movens,  placidos  capiunt  nec  lumina  soinnos.  Quin  saepe  occursant  animis  incendia,  seque  Cogitat  infelix  manibus  post  terga  revinctam  Lictores  inter  duci,  turbamque  sequentem,  Instructosque  rogos  paleis  arsuraque  tecta,  Nec  mora,  ad  erectam  obstrictum  patientis,  uno  Colla  trabem  accensis  miserum  dare  corpora  flammis.  Vos,  o  Christicolae,  vos,  o  dignissima  coelo  Pectora,  nata  Deo,  patrius  praecordia  quorum  Spiritus  intus  agit,  quo  non  clementior  alter  Aethere  et  inferno,  quo  non  placatior  orbe.  Vos  inquam  appello,  quibus  haec  spectacula  vestra  Luminibus  taciti  potuistis  cernere  terra?  Exuri  fratrem  mediisque  relinquere  vitam  Ignibus,  auxilio  Christumque  Deumque  vocantem  Ore  pio,  et  cupidis  orantem  pectora  votis  Mitia  Christicolis  placidoque  simillima  Christo?  Vosque  adeo  inprimis,  sancti  spes  optima  coetus,  Illustres  animae,  reliquorum  exempla  piorum.  2)  Alludit  ad  Servetum  fatali  illo  die  Calvini  serm  audientem.