10.1:240  voir  s'il  luy  seroit  licite  de  laisser  son  dict  mary  et  se  retirer  icy  ou  en  une  autre  Eglise  ou  elle  vescust  en  repos  de  sa  conscience:  nous  1)  avons  advise  d'un  accord  de  donner  la  responce  qui  s'ensuyt.  Premierement  nous  considerons  la  perplexite  et  angoisse  en  laquelle  elle  peut  estre  et  en  avons  telle  pitie  et  compassion  que  nous  y  sommes  tenuz  prians  Dieu  qu'il  luy  plaise  luy  donner  tel  allegement  qu'elle  ait  de  quoy  se  resiouir  en  luy.  Cependant  puis  qu'elle  nous  demande  conseil  de  ce  qui  luy  est  permis  de  faire  nostre  office  est  de  respondre  purement  et  simplement  ce  que  Dieu  nous  en  monstre  par  sa  parolle,  fermans  les  yeux  a  tout  le  reste.  Parquoy  nous  la  prions  de  ne  se  point  fascher  si  nostre  advis  n'est  pas  du  tout  conforme  a  son  desir.  Oar  il  fault  qu'elle  et  nous  suyvions  ce  que  le  maistre  a  ordonne  sans  y  mesler  noz  affections  parmy.  Or  icy  il  fault  regarder  au  lien  de  mariage  qui  est  tel  qu'une  partie  fidelle  ne  se  peult  separer  de  son  bon  gre  d'avec  sa  partie  qui  sera  infidelle.  Comme  S.  Paul  le  monstre  au  7.  chap.  de  la  1  aux  Corinth,  (v.  12  suiv.).  Et  n'y  a  nulle  doubte  que  S.  Paul  n'entende  cela  encores  que  l'homme  ou  la  femme  fidelle  ayent  beaucoup  a  souffrir.  Car  de  ce  temps  la  les  Payens  et  Iuifz  n'estoient  pas  moins  envenimez  contre  la  religion  chrestienne  que  sont  auiourdhuy  les  Papistes.  Mais  S.  Paul  commande  que  la  personne  fidelle  tenant  bon  et  perseverant  constamment  en  la  verite  de  Dieu  ne  quitte  pas  toutesfois  sa  partie  qui  luy  resiste.  Bref  que  nous  devons  tellement  preferer  Dieu  et  Iesus  Christ  a  tout  le  monde  que  peres  enfans  marys  et  femmes  ne  nous  soient  rien  au  pris.  Tellement  que  si  nous  ne  pouvons  adherer  a  luy  quen  renoncant  tout  il  fault  que  nous  le  facions.  Mais  ce  n'est  pas  a  dire  que  la  Chrestiente  doive  abolir  l'ordre  de  nature  :  quant  tous  les  deux  se  peuvent  accorder  plus  tost  H  convient  que  la  femme  chrestienne  s'efforce  au  double  a  s'aquitter  de  son  devoir  envers  son  mary  qui  sera  ennemy  de  la  verite  pour  le  gaingner  s'il  est  possible,  comme  S.  Pierre  en  parle  au  3.  chap.  de  sa  1  canonique  (v.  1).  Cependant  comme  les  choses  sont  auiourdhuy  en  la  Papaulte,  une  personne  fidelle  ne  s'aquitte  point  de  son  devoir  si  elle  ne  tasche  et  essaye  de  reduire  sa  partie  au  chemin  de  salut.  Et  encores  qu'il  y  aict  grand  obstination  qu'elle  ne  face  point  semblant  de  se  divertir  de  la  foy,  mais  plus  tost  proteste  de  sa  fermete  et  constance  quelque  danger  qu'elle  y  voie.  Au  reste  quant  il  y  auroit  persecution  dressee  apres  que  la  dicte  partie  se  seroit  aquittee  de  son  1)  respondi.