58:24  24  de  Dieu  se  declare  sur  eux,  qu'a  la  fin  cela  se  cognoistra.  C'est  donc  encore  ce  que  nous  avons  a  retenir  de  ce  passage,  et  en  ceste  diversite  que  met  ici  Moyse,  entre  la  lignee  d'Ismael  et  celle  d'Isaac.  Voila  les  commencemens  de  l'Eglise,  qui  sont  comme  un  rien,  mais  la  perfection  en  est  admirable.  Or  les  commencemens  des  enfans  de  ce  monde  sont  grans  et  nobles,  et  pour  estonner  un  chacun:  mais  tout  s'en  va  a  neant,  et  pourquoy?  Car  il  n'y  a  perpetuite  qu'en  la  promesse  de  Dieu.  C'est  la  fontaine  de  vie:  et  voila  aussi  comme  nous  persevererons  iusques  a  la  fin:  c'est  aussi  le  moien  de  nous  faire  eslever  par  dessus  le  monde.  Or  quand  il  est  question  de  nous  resiouir  en  Dieu,  et  de  nous  contenter  de  sa  bonte  paternelle,  qu'il  nous  a  monstree,  que  nous  ne  soions  pas  si  fols,  de  nous  amuser  a  ce  que  nous  voions  maintenant  a  l'oeil,  car  les  choses  presentes  se  passent  et  s'esvanouissent  :  mais  que  nous  contemplions  ce  qui  est  invisible:  comme  c'est  la  vraye  nature  de  foy,  ainsi  que  dit  l'Apostre  (Hebr.  l  l  )  r  Or  Moyse  adiouste,  Qu1  Ismael  a  habite  a  V  opposite  de  ses  freres:  ou,  a  leur  regard.  Il  est  vray  qu'on  a  translate  ceci  de  mourir,  et  le  mot  emporte  Cheoir:  mais  il  signifie  Reposer,  Habiter,  et  avoir  domicile.  C'est  donc  le  vray  sens  naturel,  Qu'Ismael  n'a  pas  este  esloigne  (comme  nous  avons  veu)  des  enfans  de  Cethura,  mais  qu'il  est  demeure  prochain  voisin  de  la  terre  de  Chanaan,  qui  avoit  este  promise  a  Isaac:  toutesfois  ce  n'est  pas  qu'il  ait  occupe  c'este  terre  la:  car  il  faloit  qu'il  en  fust  deboute.  Et  qui  est-ce  qui  Ten  a  dechasse?  Car  apres  la  mort  d'Abraham,  il  est  certain  qu'il  pouvoit  bien  demeurer  au  pays,  s'il  eust  voulu.  Isaac  n'avoit  que  le  sepulchre  que  son  pere  avoit  achete:  il  n'estoit  pas  aussi  seigneur,  pour  avoir  de  grandes  possessions  et  larges:  il  n'avoit  sinon  par  emprunt  le  tout  par  le  conge  des  habitans.  Ismael  donc  pouvoit  bien  faire  la  sa  demeure  et  son  nid.  Or  il  s'en  va:  est  ce  pour  obeir  a  Dieu?  Non:  car  il  est  plein  de  fierte  et  de  rebellion.  Ainsi,  il  eust  plustost  despite  Dieu,  quand  il  eust  pense,  Ie  suis  ici  recule,  comme  si  ie  n'estoie  point  de  la  maison  de  mon  pere.  Il  faut  donc  que  ie  m'arreste  au  pais  de  ma  naissance.  Mais  sans  qu'il  pense  pourquoy,  Dieu  le  meine  la:  il  y  va,  voire  par  une  inspiration  secrette.  Voila  comme  Dieu  besongne  envers  les  incredules:  il  les  tourne,  il  les  vir  e  de  coste  et  d'autre.  Nous  ne  voions  pas  a  l'oeil  qu'ainsi  soit:  mais  tant  y  a  qu'il  nous  faut  la  considerer  une  providence  de  Dieu  par  foy:  et  si  nous  y  estions  bien  attentifs,  il  est  certain  que  nous  aurions  approbation  de  ce  qui  est  ici  escrit,  voire  tous  les  iours.  Car  comment  est  ce  que  nous  ne  sommes  destruits  de  ces  bestes  en-