54:24  Car  ils  font  a  croire  aux  simples  et  idiots,  que  nous  avons  controuve  une  facon  de  vivre  comme  estrange,  que  nous  avons  aneanti  toute  la  simplicite,  et  que  nous  ne  tenons  rien  de  ce  qui  a  este  receu  par  les  Apostres,  et  par  les  Martyrs.  Or  nous  scavons  bien  tout  le  contraire.  Car  pourquoy  combatons-  nous  contre  les  Papistes,  sinon  d'autant  que  nous  n'accordons  point  a  leurs  tromperies?  Car  ils  ont  forge  en  leur  boutique  tout  ce  qu'ils  appellent  service  de  Dieu,  leurs  articles  de  foy,  et  tout  le  reste.  Yoila  donc  les  Papistes  qui  ont  fait  un  tripotage  et  un  meslinge  de  mensonges  qu'ils  ont  ramassez  ca  et  la:  et  cependant  nous  demandons  qu'on  se  tiene  a  la  Loy,  aux  Prophetes,  et  a  l'Evangile:  que  Dieu  a  la  donne  une  doctrine  parfaite,  et  ou  il  n'y  a  que  redire:  que  c'est  la  doctrine  qui  doit  estre  escoutee,  et  a  laquelle  on  se  doit  assuiettir.  Yoila  ce  que  nous  disons.  Ainsi  donc  nous  voyons  qu'il  a  falu  que  sainct  Paul  usast  de  ceste  defense  qui  nous  est  auiourd'huy  necessaire.  Et  ce  nous  est  une  belle  consolation  quand  nous  voyons  qu'il  ne  nous  faut  point  chercher  des  excuses  ca  et  la  pour  clorre  la  bouche  aux  Papistes,  et  a  toutes  leurs  fausses  obiections:  mais  qu'il  nous  suffise  que  sainct  Paul  ait  respondu  en  nostre  nom.  Pourquoy?  La  cause  est  du  tout  semblable.  N'avonsnous  point  a  nous  resiouir  quand  Dieu  nous  constitue  sainct  Paul  pour  advocat  et  procureur  de  nostre  cause,  contre  les  Papistes?  Tellement  que  nous  ne  sommes  point  empeschez  auiourd'huy  d'avoir  quelque  replique  de  nostre  cerveau,  mais  il  suffit  de  produire  et  mettre  en  avant  ce  que  S.  Paul  a  declare  de  sa  bouche,  voire  estant  conduit  par  l'Esprit  de  Dieu.  Or  si  nous  avons  8.  Paul  pour  nostre  advocat,  voila  le  sainct  Esprit  qui  nous  advoue  du  ciel.  Et  mesmes  S.  Paul  a  eu  une  procuration  suffisante  pour  monstrer  qu'il  ne  parloit  point  en  qualite  d'homme  mortel,  ne  de  creature,  mais  que  c'estoit  au  nom  et  en  l'authorite  de  Dieu.  Ainsi  donc  que  nous  prenions  courage  quand  nous  voyons  que  les  Papistes  nous  blasment  a  tort,  et  que  cela  ne  nous  tourmente  point  par  trop,  puis  que  nostre  Dieu  prend  la  cause,  et  qu'il  nous  donne  une  telle  defense,  qu'encores  que  nous  eussions  la  bouche  fermee,  il  ne  laissera  point  de  monstrer  que  les  Papistes  seront  condamnez  en  toute  leur  vaine  gloire.  Mais  cependant  il  sembleroit  que  sainct  Paul  voulust  ici  dire  que  ceux  qui  changent  de  facon  de  faire  sont  a  condamner.  Car  nous  ne  pouvons  pas  nier  que  nous  n'ayons  beaucoup  innovo:  car  il  a  falu  aussi  retirer  le  povre  monde  quasi  des  abysmes  d'enfer.  Nous  scavons  qu'en  la  Papaute  il  n'y  a  rien  qui  ne  soit  perverti.  Ainsi  donc  il  a  falu  faire  un  grand  changement.  Mais  la  solution  est  bien  aisee  a  ceci  car  quand  sainct  Paul  parle