53:24  fieute,  qui  paistra  seulement  les  aureilles  d'une  chanson  plaisante.  Or  quand  on  y  vient  ainsi,  c'est  se  moquer  pleinement  de  Dieu  et  prophaner  sa  parole.  Pourtant  apprenons  que  Dieu  ne  veut  point  qu'il  y  ait  des  temples  pour  gaudir  et  pour  rire,  comme  si  on  ipuoit  ici  des  farces:  mais  il  faut  qu'il  y  ait  une  maieste  en  sa  parole,  de  laquelle  nous  soyons  esmeus  et  touchez:  et  puis  qu'il  y  ait  instruction  profitable  a  salut,  et  que  nous  soyons  nourris  de  ceste  pasture  spirituelle,  tellement  que  nous  sentions  que  ce  n'est  point  en  vain  que  Dieu  a  parle  a  nous.  Sainct  Paul  ayant  ainsi  parle  de  ces  doctrines  inutiles  en  general,  en  met  une  espece,  ascavoir  de  genealogies.  Non  pas  que  tout  ce  qu'on  pourroit  dire  des  genealogies  soit  a  reietter,  mais  il  faut  regarder  le  vice  qui  regnoit  du  temps  de  S.  Paul.  Car  les  Iuifs  (comme  il  en  traitte  en  d'autres  passages,  et  luy-mesmes  s'expose  la  plus  a  plein)  avoyent  tellement  en  recommandation  les  choses  qui  n'estoyent  qu'accessoires,  que  le  prinoipal  estoit  laisse  par  eux,  c'est  ascavoir  la  crainte  de  Dieu,  l'esperance  de  salut  qu'il  avoit  donnee  aux  Peres:  ceste  alliance  sacree  laquelle  ils  devoyent  conioindre  avec  la  grace  de  nostre  Seigneur  Iesus  Christ,  la  benediction  qui  leur  estoit  promise,  et  puis  la  sainctete  de  vie,  et  la  regle  de  bien  prier  Dieu  et  d'avoir  son  refuge  a  luy.  Toutes  ces  choses-la  qui  contenoyent  le  principal  de  la  doctrine,  estoyent  mises  en  oubli,  et  cependant  il  n'estoit  question  que  de  scavoir  raconter  des  genealogies  sans  profit  aucun,  et  scavoir  raconter  toutes  les  lignees,  comme  si  leur  salut  eust  consiste  en  ce  qui  ne  servoit  de  rien.  Voila  pourquoy  sainct  Paul  condamne  les  genealogies.  Quand  Dieu  nous  a  declare  comme  apres  Adam,  et  mesmes  apres  la  mort  d'Abel  la  religion  a  este  comme  esteinte,  et  puis  qu'elle  a  este  remise  comme  au  dessus  iusques  a  Noe,  et  que  de  la  encores  tout  a  este  corrompu  comme  par  un  deluge,  sinon  en  une  maison  seule:  et  encores,  que  le  pere  d'Abraham  s'estoit  addonne  a  superstitions  meschantes,  et  que  tout  estoit  plein  cPidolatries:  ces  genealogies~la  nous  peuvent  estre  profitables.  Apres,  quand  depuis  Abraham  iusques  a  David  nous  voyons  un  recit  continuel  des  douze  lignees,  lequel  nous  meine  a  la  lignee  de  Iuda,  de  laquelle  il  avoit  este  parle  par  la  bouche  de  Iacob  en  esprit  de  prophetie,  ce  ne  sont  pas  choses  a  mespriser.  Et  pourquoy?  Car  la  nous  contentions  comme  Dieu  a  gouverne  son  Eglise  de  tout  temps,  et  combien  qu'elle  fust  en  petit  nombre,  que  toutesfois  elle  luy  a  este  precieuse,  et  qu'une  petite  poignee  de  gens  a  este  maintenue  par  luy  d'une  facon  admirable.  Nous  voyons  comme  les  hommes  ont  este  tousiours  enclins  a  mal,  qu'ils  ont  este  corrompus,  et  que  Dieu  ne  les  a  peu  retenir  en  son  obeissance��