51:24  sainct  Esprit  qui  est  la  vraye  marque  pour  monstrer  que  nous  sommes  ses  enfans.  En  somme  ce  que  Dieu  met  en  ses  eleus  et  en  ses  fideles  pour  corriger  leur  nature  meschante  et  vicieuse,  cela  est  comprins  sous  ce  mot  d'Esprit.  Or  sainct  Paul  dit  qu'il  nous  faut  cheminer  selon  l'Esprit,  et  alors  nous  ne  parferons  point  les  cupiditez  de  nostre  chair.  Par  cela  il  advertist  ceux  qui  se  plaisent  par  trop  en  leur  vices,  et  qui  se  donnent  conge  de  mal  faire,  sous  ombre  qu'ils  n'y  peuvent  resister.  Il  les  resvueille  ici,  et  leur  monstre  qu'il  n'y  a  point  d'excuse:  combien  qu'ils  soyent  addonnez  a  mal,  neantmoins  qu'il  faloit  cercher  le  remede.  Et  quel  est-il?  Or  il  est  vray  que  nous  ne  les  trouverons  pas  en  nous,  mais  Dieu  y  suffira,  d'autant  qu'il  nous  fera  la  grace  de  batailler  tellement  contre  tous  nos  appetis  et  contre  nos  cupiditez  meschantes  que  son*  sainct  Esprit  dominera  en  nous  et  y  aura  la  victoire.  Dieu  ne  nous  veut  point  frustrer  en  nous  faisant  une  telle  promesse,  reconrons  donc  a  luy  comme  un  malade  fera  au  medecin.  Brief,  sainct  Paul  regarde  a  l'excuse  que  les  hommes  pourroyent  amener  et  ont  accoustume  aussi  de  le  faire.  O  voila,  nous  sommes  charnels,  la  charite  est  une  perfection  Angelique:  et  comment  donc  la  pourrons  nous  garder,  veu  que  nous  tendons  du  taut  a  mal,  et  que  nos  vices  nous  transportent?  Si  le  peche  ne  dominoit  point  en  nous,  alors  on  pourroit  dire  qu'il  nous  faudroit  estre  unis  en  Dieu:  mais  nostre  fragilite  est  trop  grande.  Voila  donc  ce  que  beaucoup  de  gens  amenent,  et  cuident  estre  absous  par  cela.  Or  sainct  Paul  dit,  II  est  vray  qu'il  n'y  a  qu'un  abysme  de  mal  en  vous,  et  cependant  que  les  hommes  s'endormiront  ainsi  en  leurs  affections,  il  faudra  qu'ils  servent  au  diable  et  qu'ils  s'abrutissent  de  plus  en  plus:  mais  cerchez  le  remede.  Dieu  vous  appelle  a  soy  par  son  Evangile,  il  vous  presente  son  sainct  Esprit:  ainsi  donc  condamnez  Ie  mal,  a  fin  de  vous  y  desplaire,  et  Dieu  besongnera  en  sorte  qu'il  sera  superieur  a  toutes  vos  affections.  Voila  donc  ce  que  sainct  Paul  a  voulu  dire  en  ce  passage:  mais  quant  et  quant  il  a  voulu  piquer  obliquement  ceux  contre  lesquels  il  dispute.  Our  nous  avons  desia  declare  cidessus  que  ces  seducteurs  qui  avoyent  trouble  l'Eglise  en  ce  pays-la,  estoyent  addonnez  a  beaucoup  de  menus  fatras  qui  estoyent  du  tout  superflus,  d'autant  qu'ils  mettoyent  toute  sainctete  aux  ceremonies  de  la  Loy.  Or  il  est  vray  que  Dieu  n'a  point  commande  en  vain  les  ceremonies  pour  un  temps:  mais  elles  ont  este  figures  iusques  a  la  venue  de  nostre  Seigneur  Iesus  Christ:  maintenant  qu'il  est  apparu,  ce  ne  sont  plus  que  choses  inutiles,  et  mesmes  qui  nous  empeschent  de  cheminer  comme  il  appartient.  Gar  les  ceremonies  et  les  ombrages  ont  aide  les  peres  anciens  pour  les  amener  a  nostre  Seigneur  Iesus