46:24  representoit  nos  personnes.  Quand  il  est  entre  au  Sanctuaire,  il  a  dedie  la  voye,  laquelle  demeure  tousiours  fresche,  comme  dit  l'Apostre  en  l'Epistre  aux  Hebrieux.  Nous  ne  trouverons  point  d'espines,  ne  rien  qui  nous  empesche  de  marcher,  voire  quand  nous  aurons  tousiours  esgard  a  nostre  Seigneur  Iesus  Christ,  cognoissans  que  de  nous-mesmes  nous  ne  pouvons  sinem  estre  eslongnez  de  nostre  Dieu.  Voyla  donc  comme  les  figures  de  la  Loy  nous  servent  encores  auiourd'huy:  non  pas  que  nous  en  ayons  l'usage  (car  il  a  falu  que  tout  cela  ait  cesse  a  la  venue  de  nostre  Seigneur  Iesus  Christ),  mais  c'est  pour  nous  aider,  d'autant  que  nous  cognoissons  que  nostre  foy  est  commune  avec  celle  des  Peres:  toutesfois  que  Dieu  nous  a  mis  en  un  degre  superieur,  et  que  nostre  condition  est  plus  excellente  que  la  leur,  d'autant  que  nous  avons  la  perfection  de  ce  qu'ils  n'ont  eu  sinon  en  figures  bien  obscures.  Voyla  donc  ce  que  nous  avons  a  retenir  quand  il  est  dit,  que  Zacharie  estoit  au  Sanctuaire  luy  seul,  et  que  le  peuple  estoit  loin  au  parvis,  regardant,  et  attendant.  Ainsi  apprenons,  quand  nous  desirerons  d'estre  approuvez  de  Dieu  comme  ses  enfans,  de  ne  venir  point  en  nostre  nom.  Car  se  seroit  par  trop  presumer,  mais  d'y  venir  comme  membres  de  nostre  Seigneur  Iesus  Christ,  voire  estans  entez  par  foy  en  son  corps,  d'autant  qu'il  a  voulu  avoir  ceste  conionction  avec  nous.  Voyla  pour  un  item.  Et  puis,  quand  nous  voudrons  prier,  et  que  nous  desirerons  que  Dieu  aussi  nous  exauce,  que  ce  ne  soit  point  en  nostre  nom,  mais  que  nous  bastissions  tellement  nos  prieres,  que  nous  scachions  que  Iesus  Christ  est  comme  nostre  bouche,  et  que  ce  soit  luy  qui  porte  la  parole  a  Dieu  son  Pere,  comme  c'est  par  son  moyen  que  nous  avons  entree  au  Royaume  des  cieux.  Quant  est  du  perfum  c'estoit  aussi  bien  une  figure,  pour  monstrer  que  quand  les  sacrifices  sont  offerts  a  Dieu  par  sa  benediction,  que  c'est  une  bonne  odeur  devant  luy.  Et  sur  tout  cela  est  approprie  aux  oraisons.  Notons  bien  donc  en  premier  lieu,  que  quand  nous  servons  Dieu,  que  ce  soit  en  esperant  que  les  vices,  les  macules,  et  taches  qui  sont  en  nous  seront  ensevelies  par  Ie  merite  et  sainctete  de  nostre  Seigneur  Iesus  Christ:  que  nostre  vie  sera  agreable  a  Dieu  par  son  moyen,  tout  ainsi  qu'un  perfum  est  de  bonne  odeur.  Voyla  pour  un  item.  Car  c'estoyent  choses  fort  aromatiques  dont  on  faisoit  ce  perfum,  comme  on  le  voit  en  la  Loy:  mais  ce  n'est  pas  que  Dieu  s'amusast  a  telles  ceremonies.  Il  a  voulu  amener  les  fideles  a  une  chose  plus  haute,  et  plus  excellente:  c'est  que  tout  cela  se  devoit  rapporter  aux  oraisons  des  fideles.  Or  puis  qu'ainsi  est,  quel  courage  devons-nous  avoir  d'invoquer  nostre  Dieu  quand  nous  scavons,  24